Qarjy mınıstrliginiń Memlekettik kirister komıteti jeke tulǵalardyń sheteldik bırjalarda aksııalardy satý kezinde qun ósimine salyq salý tártibi týraly suraqtaryna jaýap berdi.
Shynynda da, qoldanystaǵy salyq zańnamasyna sáıkes qunnyń ósimi anyqtaǵan kezde bırja komıssııalary, deldaldar nemese depozıtarıı sııaqty shyǵystardy shegerý jáne shekken zalaldy keıinge shegerý de qarastyrylmaǵan. Jeke tulǵalardyń sheteldik qor bırjalarynda turǵan aksııalardy satýdan túsken tabysyn alýǵa baılanysty shyǵystardy shegerý máselesi qarastyrylyp jatyr ma?
Vedomstvonyń túsindirýinshe, qazirgi ýaqytta, Ulttyq ekonomıka mınıstrliginiń alańynda salyq zańnamasyn jetildirý jónindegi jumys toby sheńberinde salyq zańnamasyna birqatar túzetý engizý qarastyrylýda. Jeke tulǵalardyń kiristiń osy túrin alýyna baılanysty shyǵystardy shegerý máselesi de qarastyrylyp jatyr. Atalǵan talqylaýǵa jeke adamdar da qatysa alady. Ol úshin siz Ulttyq ekonomıka mınıstrligine álemdik tájirıbeniń zańnamalyq turǵydan retteletin normalaryn eskere otyryp, qunnyń ósýin anyqtaý týraly kózqarasyńyzdy jibere alasyz.
Nelikten shekken zalaldy keıinge shegerý qarastyrylmaǵan?
Keltirilgen shyǵyndar týraly aıta ketý kerek, shekken zalal uǵymy «klassıkalyq» túrde de, Salyq kodeksiniń 299-babyna sáıkes te, shyǵyndardyń kiristen asyp túsýin bildiredi. Bul kirister, eń aldymen, óndiristik qyzmet nátıjesinde paıda bolady.
Baǵaly qaǵazdardy satýdan túsken kirister «passıvti» kiriske jatady. Al jeke tulǵalar mundaı operasııalardan túsken kirister men shyǵyndaryna esep júrgizbeıdi. Sáıkesinshe, mundaı operasııalardan shekken zalaldar bolashaqta esepke alynbaıdy.