Elordanyń bas memlekettik sanıtarlyq dárigeri Sarhat Beısenova Nur-Sultanda shekteý jáne karantın sharalaryn qatańdatý týraly qaýlyǵa qol qoıdy. Qujat 18 naýryzdan bastap kúshine enedi, dep habarlaıdy Egemen.kz qala ákimdiginiń resmı saıtyna silteme jasap.
Qol qoıylǵan qujatqa sáıkes menshik nysanyna jáne jumys isteıtinderdiń shtattyq sanyna qaramastan barlyq uıymdar, kásiporyndar qyzmetkerleriniń keminde 80%-y qashyqtan jumys isteýi tıis.
Sondaı-aq saýda, qyzmet kórsetý nysandarynda, qoǵamdyq kólikterde jáne adam kóp jınalatyn oryndarda dezınfeksııalyq is-sharalar júrgizý boıynsha jumystar kúsheıtilýde.
Jeksenbi kúnderi elordada SOO, SO, SÚ (onda ornalasqan dárihanalardy, sondaı-aq tamaq ónimderi men birinshi kezekte qajetti zattardy satatyn jáne qyzmeti ornalasqan jerine qaramastan ruqsat etilgen obektilerdi qospaǵanda), jabyq azyq-túlik emes bazarlar, azyq-túlik emes taýarlardy satatyn obektiler, jabyq sport obektileri, HQO, «Qazposhta» AQ, sol sııaqty qoǵamdyq kólik jumysyna tyıym salynady.