- Bir mınýt ishinde júzge jýyq kúısegen sıyrdyń qımyly qoıannyń qımylymen birdeı eken.
- Buqaǵa qyzyl tús múldem áser etpeıdi, buqa qyzyl mataǵa shappaıdy. Bul janýar tústi múldem aıyra almaıdy. Álgi toreadorǵa shabatyn sebebi, óıtkeni ol buqany shapshań qımyldarymen ádeıi ashýlandyrady eken.
- Saýyn sıyr óz ómirinde ortasha alǵanda 200 myń staqan sút beredi. Álemdegi eń iri sıyrdyń salmaǵy 2,25 tonna.
- Sıyrlar adam nemese delfın sekildi jylaý qasıetin meńgergen, ıaǵnı kózinen jas aǵyp jylaıdy.
- Jer betinde eń jıi kezdesetin sútqorektiler – adamdar, biraq sıyrlar osy sanatta ekinshi orynda.
- Sıyrdyń jegen nársesi onyń keıin qandaı sút beretinine tikeleı baılanysty, ıaǵnı ne berseń, sony saýyp alasyń.
- Sıyrlar ortasha alǵanda 20 jyldaı ómir súredi. Biraq odan kóp ómir súretinderi de joq emes. Al buqalar azyraq – 15 jyldaı.
- Álemde tirshilik etetin sıyrlardyń jalpy salmaǵy búkil adamdardyń salmaǵynan úsh ese artyq.
- Sıyrlar qorshaǵan ortaǵa avtomobılderge qaraǵanda kóbirek zııan tıgizedi. Onyń kóńi men ishekten shyǵaratyn gazy ǵalamsharymyzǵa shamamen 18% úles jylyjaı áserin qosady.
- Zoologtardyń aıtýynsha, bul tirshilik ıeleri 11 túrli ıntonasııamen móńireı alady. Sıyr ǵalamsharymyzdyń magnıt órisiniń syzyqtary boıynda ornalasyp jatyp tynyǵady. Iá, sıyrlar bizge qaraǵanda, ondaıdy jaqsy sezinedi.
- Kýba elinde sıyrdy óltirgen adam óltirgennen de aýyr jazaǵa tartylady.
- Kóptegen halyq arasynda aınalymda aqsha paıda bolǵanǵa deıin sıyr valıýtanyń bir túri jáne jalpy alǵanda, basqa materıaldyq qundylyq ólshemi bolǵan.
- Bir tabyn sıyr, shamamen elý sıyr delik, táýligine bir tonna sút beredi.
- Sıyrǵa at qoıýǵa bolady, óıtkeni ol atyn esine saqtap, daýystap ataǵanda eleńdep, mysaly, ıt sııaqty baılanys ornata alady.
- Sıyr ózi jaqsy kóretin adamdy tilimen jalaǵandy unatady. Sıyrdyń kórý qabileti barynsha jaqsy, ol qojaıynyn tanyp, túrin esine saqtaı alady.
Daıyndaǵan
Ákim QOJAULY