Búgin, 17 naýryz kúni, Konfessııaaralyq jáne órkenıetaralyq dıalogty damytý jónindegi N. Nazarbaev ortalyǵynyń Basqarma Tóraǵasy B. Sársenbaevtiń Avstrııa, Irak, Iran, Lıvan, Latvııa, Mysyr, Pákistan, Túrkııa jáne basqa memleketterdiń sheteldik dıplomatııalyq ókildikteriniń basshylarymen kezdesýi ótti, dep habarlaıdy Egemen.kz.
Kezdesý qatysýshylaryna alǵy sózinde, N. Nazarbaev ortalyǵynyń Basqarma Tóraǵasy Bolat Sársenbaev Qazaqstan Táýelsizdiktiń alǵashqy kúnderinen bastap, barlyq dinder men konfessııalar arasynda árekettestik máseleleri boıynsha ashyq jáne syndarly dıalogqa umtylyp, álemde tózimdilik ıdeıalaryn jyljytýǵa barynsha yqpaldasyp jatqandyǵyn atap ótti.
О́ziniń baıandamasynda Bolat Sársenbaev Álemdik jáne dástúrli dinder kóshbasshylarynyń sezin ótkizý arqyly órkenıetaralyq dıalogty kúsheıtý isinde Qazaqstan Respýblıkasynyń Tuńǵysh Prezıdenti, Elbasy N.Nazarbaevtyń birtýar rólin asa ereksheledi.
Sonymen birge, Bolat Sársenbaev, Qazaqstan Respýblıkasynyń Prezıdenti Q. Toqaevtyń júıeli saıasatynyń arqasynda Qazaqstan dinder jáne órkenıetter dıalogynyń jahandyq ortalyǵyna aınalyp, konfessııaaralyq jáne órkenıetaralyq dıalogty damytý boıynsha keń jáne tıimdi seriktestikke ashyq ekendigine nazar aýdardy.
Sondaı-aq, Basqarma Tóraǵasy Bolat Sársenbaev N. Nazarbaev ortalyǵynyń bolashaqtaǵy josparlarymen bólisti. Bolat Sársenbaevtiń aıtýynsha, N. Nazarbaev ortalyǵy jumys organy retinde QR Parlament Senatynyń Máýlen Áshimbaevtyń, sonymen qatar, QR Aqparat jáne qoǵamdyq damý mınıstrligi jáne QR Syrtqy ister mınıstrligi jetekshiligimen aǵymdaǵy jyly XIX Sez Hatshylyǵy otyrysyn, sonymen qatar, 2022 jyly ótetin VII Álemdik jáne dástúrli dinder kóshbasshylary sezin ótkizý boıynsha belsendi uıymdastyrýshylyq jumys bastalǵandyǵyn atap ótti. «Aldaǵy Sez Hatshylyǵy konfessııaaralyq jáne órkenıetaralyq dıalogty kúsheıtý boıynsha Sezdiń jahandyq kún tártibin jáne basty taqyryptaryn anyqtaýǵa septigin tıgizedi», dedi spıker.
О́z kezeginde, sheteldik dıplomatııalyq ókildikteriniń basshylary Elbasy N. Nazarbaev jáne Qazaqstan Respýblıkasynyń Prezıdenti Q. Toqaevtyń konfessııaaralyq dıalogty kúsheıtýdegi rólderin, sonymen qatar, mádenı-aǵartýshylyq máni bar jáne beıbitshilik pen kelisimdi qoldaýdaǵy ortaq jaýapkershilik qalyptastyratyn halyqaralyq is-sharalardy uıymdastyrý mańyzdylyǵyn joǵary baǵalady.
Kezdesýdi qorytyndylaı kele, Basqarma Tóraǵasy Bolat Sársenbaev osy syndy kezdesýler beıbitshilik, nıet adaldyǵyn bildirip, rýhanı qundylyqtarynyń tereńdigin ashyp, eń joǵary adamgershilik qaǵıdalaryn – meıirimdilik, qaıyrymdylyq jáne raqymshyldyqty – beıneleıtindigine senimdilik bildirdi. Sonymen birge, Bolat Sársenbaev óz sózinde: «Osy formattaǵy is-sharalardy ótkizý bizdiń mádenıetterimiz, dástúrlerimiz, dinderimiz jáne memleketterimizdiń bolashaqta jaqyndasýyna jańa múmkindikter ashatyndyǵyna, bizge taǵy da ortaq rýhanı jáne adamı qundylyqtar týraly eske salatyndyǵyna senimdimin».
Saqtyq sharalaryn ustana otyryp, kezdesý qatysýshylaryna Qazaqstan Respýblıkasy Táýelsizdiginiń 30-jyldyǵyna oraı galereıada ornalastyrylǵan fotosýrettermen tanysý múmkindigi usynyldy.