Tokıo Olımpıadasynyń Alaý estafetasy Fýkýsıma prefektýrasynda bastaldy, dep habarlaıdy Egemen.kz NHK saıtyna silteme jasap.
Olımpıadanyń Alaý estafetasy Japonııanyń Tokıoǵa deıingi barlyq 47 prefektýrasy boıynsha ótedi
– Byltyr álemde qıyn jaǵdaı boldy. Jańa ınfeksııanyń taralýyna baılanysty Olımpıada oıyndary keıinge qaldyryldy. Alaıda, barlyq qıyndyqtarǵa qaramastan, alaý oty sónbeıdi. Bul - úmit jolyndaǵy shamshyraq. Japonııa eliniń jáne barsha álemniń úmit oty ispetti. Olımpıada alaýy 23 shildede Ulttyq stadıonǵa jetedi dep úmittenemin, – dedi Tokıodaǵy Olımpıada oıyndaryn uıymdastyrý komıtetiniń tóraǵasy Seıko Hashımoto.
Alaý estafetasy 10 myńǵa jýyq júgirýshiniń qatysýymen 121 kúnge sozylady.