Máskeýde QR Premer-Mınıstriniń orynbasary Roman Sklıar Reseı Federasııasy Úkimeti Tóraǵasynyń orynbasary Iýrıı Borısovpen kelissóz júrgizdi.
Qazaqstan Premer-Mınıstri Asqar Mamınniń 22 naýryzda ótken Reseı Úkimetiniń Tóraǵasy Mıhaıl Mıshýstınmen kezdesýiniń qorytyndysy boıynsha ýaǵdalastyqtardy damytý aıasynda vıse-premerler Qazaqstan-Reseı ónerkásiptik kooperasııasy salasyndaǵy birlesken is-qımyl baǵdarlamasy sheńberindegi ekijaqty yntymaqtastyqtyń ózekti máselelerin qarastyrdy. Taraptar buryn kelisilgen birlesken jobalardy iske asyrýdy jedeldetý jónindegi aǵymdaǵy jaǵdaı men budan keıingi qadamdardy talqylady.
Sondaı-aq, Qazaqstandaǵy ónerkásiptik kooperasııanyń jańa perspektıvalyq jobalaryn zerdeleý arqyly ınvestısııalyq yntymaqtastyqty keńeıtý máseleleri qaraldy. Budan arǵy birlesken jumys perspektıvalary týraly aıta otyryp, ózara tıimdi ekonomıkalyq yntymaqtastyq qaǵıdattaryna, ónerkásip, saýda-ekonomıkalyq, ınvestısııalyq salalarda neǵurlym tyǵyz ózara is-qımyl jasaý úshin qosymsha múmkindikter týdyrý boıynsha birlesken sharalardy iske asyrýǵa ózara beıildilik bildirildi.
Kezdesýge qatysýshylar Qazaqstan men Reseı arasyndaǵy úkimetaralyq dıalogtyń tıimdiligi men qajettiligin atap ótip, ózara baılanystardyń joǵary qarqynyn saqtaýǵa kelisti.