Shyǵys Qazaqstan oblysynda sońǵy bir apta ishinde 13 órt sóndirilgen, dep habarlaıdy Egemen.kz
ShQO Tótenshe jaǵdaılar departamenti baspasóz qyzmetiniń málimetine súıensek, 20-26 naýryz aralyǵynda oblysta 13 órt bolǵan. Onyń ishinde jeke turǵyn úı sektorynda 8, sharýa qojalyǵy aýmaǵynda 1 órt oqıǵasy boldy. Sondaı-aq 1 dúken men 3 avtokólikti ot sharpydy.
«О́rttiń basty sebepteri – pesh jáne elektr jabdyqtaryn paıdalaný kezinde órt qaýipsizdigi talaptarynyń buzylýy jáne otty abaısyz paıdalaný bolyp otyr. О́kinishke qaraı, óńir turǵyndarynyń peshke tamaq qoıyp, umytyp ketý jaǵdaılary áli de anyqtalýda. Bul kóbinese qart kisiler men uıyqtap ketken páter ıeleri», delingen habarlamada.
Osy rette, departament mamandary oblys turǵyndaryna qaýipsizdik erejelerin eske salady:
- Qosýly elektr jáne gaz quraldaryn qaraýsyz qaldyrmańyz;
- Otty abaılap paıdalanyńyz – tósekte jatyp, lodjııa men balkonda temeki shekpeńiz;
- Zaýytta jasalmaǵan elektr saqtandyrǵyshty, jasandy abajýr, jaryqtandyrý shamyn paıdalanbańyz;
- Jertóle men shatyrlarda janǵysh zattardy, túrli turmystyq qoqysty, jıhaz ben qaǵazdy saqtamańyz.
Qyzyl jalyn shyqqan jaǵdaıda dereý «101» nemese «112» nómirlerine habarlasyńyz. О́rt qaýipsizdigi erejelerin buzǵany úshin QR ÁQBtK-niń 410-babyna sáıkes ákimshilik jaýapkershilik qarastyrylǵan.