Saýda jáne ıntegrasııa mınıstrligi jumyrtqa baǵasynyń nelikten qymbattaǵanyn túsindirdi, dep habarlaıdy Egemen.kz
Mınıstrliktiń baspasóz qyzmeti taratqan aqparattarǵan qaraǵanda, 2021 jyldyń 25 naýryzyndaǵy jaǵdaı boıynsha apta saıynǵy statıstıkalyq derekterge sáıkes el óńirlerinde 1-sanattaǵy on jumyrtqanyń baǵasy 340 teńgeden bastap 485 teńgege deıin qubylady. Jyl basynan beri baǵanyń ósýi 11,9%-dy quraıdy.
Esterińizge sala keteıik, memleket baǵany retteı alatyn áleýmettik mańyzy bar taýarlardyń tizimine tek 1-sanattaǵy jumyrtqa ǵana jatady. Baǵanyń ósýiniń negizgi sebebi qustardyń 2020 jyly tumaýdan qyrylýy sebep bolyp otyr.
Sonyń saldarynan 2020 jyly jumyrtqa óndirisi 8,4%-ǵa qysqardy. Qazaqstannyń jumyrtqa óndirýshileri qaýymdastyǵynyń derekteri boıynsha tumaý saldarynan 2,6 mln. mekıen taýyq qyrylǵan. Baǵanyń ósýiniń ekinshi sebebi – jem-shóptiń qymbattaýy (onyń ishinde jemdik astyq). Jyl boıy jem-shóptiń quny 54.4%-ǵa ulǵaıdy.
«О́ńirlerde baǵanyń odan ári ósýine jol bermeý maqsatynda jumyrtqa óndirýshi kompanııalar men saýda obektileri (dúkender, saýda jelileri) arasynda jumyrtqa sórelerine tikeleı jetkizý jáne satýdyń tirkelgen baǵasyn qamtamasyz etý týraly memorandýmdar jasalady. Ákimdikter basqa da áleýmettik mańyzy bar taýarlar boıynsha osyndaı jumystar júrgizýde», delingen habarlamada.