Biryńǵaı jınaqtaýshy zeınetaqy qory salymshylarynyń zeınetaqy jınaqtarynyń somasy 2021 jylǵy 1 naýryzdaǵy jaǵdaı boıynsha 12,6 trıllıon teńgeden asty, dep habarlaıdy Egemen.kz.
2021 jylǵy 1 qańtardan 1 naýryzǵa deıingi eki aıdyń ishinde ǵana BJZQ salymshylarynyń shottaryna 217,9 mlrd teńge mólsherinde taza ınvestısııalyq tabys esepteldi, bul ótken 2020 jyldyń sáıkes kezeńimen salystyrǵanda 78 mlrd teńgege (nemese 56% - ǵa) artyq.
Jyl basynan beri tabystylyq 1,3% ınflıasııa kezinde 1,7% qurady. Bul rette ótken 2020 jyldyń osy kezeńinde 1,3% ınflıasııa kezindegi kiristilik 1,3% bolǵan.
2021 jylǵy 1 naýryzdaǵy jaǵdaı boıynsha 7,4% ınflıasııa kezinde kiristilik 11,4% qurady. Al ótken jyldyń sáıkes kezeńinde, 2020 jyldyń 1 naýryzyna qaraı 6,0% ınflıasııa kezinde kiristilik 7,8% bolǵan edi.
Salymshylardyń (alýshylardyń) zeınetaqy jınaqtarynyń somasy zeınetaqy aktıvterin ınvestısııalaý nátıjelerine sáıkes kún saıyn qaıta esepteledi jáne qaıta baǵalanady.
Jalpy alǵanda, barlyq zeınetaqy aktıvteri BJZQ-ǵa biriktirilgen sátten bastap Ulttyq bank qamtamasyz etken ınvestısııalyq tabys shamamen 4,9 trln teńgege jetti. 2021 jyldyń 1 naýryzyna zeınetaqy jınaqtarynyń jalpy kólemindegi taza ınvestısııalyq tabystyń úlesi 35,1% qurady
Eger Qazaqstannyń jınaqtaýshy zeınetaqy júıesi qurylǵan 1998 jyldan bergi kezeńdi alyp qarasaq, taza ınvestısııalyq tabys shamamen 5,8 trln teńge boldy. Osy ýaqyt ishinde ınvestısııalyq kiristilik ósý qorytyndysymen 614,8% qurady. Al ınflıasııa 504,4% boldy. Osylaısha 2021 jylǵy 1 naýryzdaǵy jaǵdaı boıynsha zeınetaqy aktıvteriniń naqty tabystylyǵy 110,4%.
Aıta ketý kerek, zeınetaqy jınaqtary – bul uzaq merzimdi ınvestısııalar jáne ınvestısııalyq tabystyń mólsherin keminde 1 (bir) jyl kezeńinde taldaǵan oryndy. Qysqa merzimdi derekter (kúndelikti, aı saıynǵy jáne t.b.) kórsetkish bolyp tabylmaıdy, óıtkeni, olar kúndelikti naryqtyq jaǵdaıǵa baılanysty.
Investısııalyq basqarý men zeınetaqy aktıvterin esepke alýdyń barlyq júıesi ashyq: árbir salymshy óziniń ınvestısııalyq tabysyn enpf.kz saıtyndaǵy jeke kabınetten nemese uıaly qosymshanyń kómegimen baqylaı alady. BJZQ-nyń zeınetaqy aktıvterin ınvestısııalyq basqarý jáne zeınetaqy aktıvteri ornalastyrylǵan qarjy quraldary týraly aqparat Qordyń resmı saıtyndaǵy (www.enpf.kz) «Kórsetkishter/Investısııalyq qyzmet» bóliminde jarııalanyp otyrady.