Qazaqstannyń telekommýnıkasııa naryǵyndaǵy jetekshi operator bolyp tabylatyn «Ksell» AQ pen Bank VTB (Qazaqstan) kredıt lımıtin 6 mıllıard teńgeden 7 mıllıard teńgege deıin ulǵaıtý týraly kelisimge qol qoıdy. Kredıt jelisiniń merzimi 2023 jyldyń 15 qazanyna deıin jyldyq 10,7% mólsherindegi syıaqy tóleýmen eskerilgen. Kompanııa alynǵan qarajatty aınalym qarajatyn tolyqtyrýǵa jumsamaq.
– Kredıt jelisin ulǵaıtý – bul Bank pen «Ksell» AQ arasyndaǵy úsh jyldyq tabysty seriktestiktiń tamasha mysaly. Biz seriktesimizdiń óz jelisin damytýǵa qarajat salý nıetin quptap, aldaǵy jobalarǵa qoldaý kórsetýge daıynbyz, – dep atap ótti Basqarma tóraǵasynyń orynbasary, Bank VTB (Qazaqstan) basqarma múshesi Arman Mangıtov.
«Ksell» AQ mobıldi daýystyq baılanys, qysqa habarlamalar jiberý, mýltımedııalyq habarlamalarmen almasý, mobıldi kontentke qol jetkizý, sondaı-aq derekterdi tabystaý qyzmetteri, sonyń ishinde Internet jelisine qol jetkizý sııaqty qosymsha qyzmetterdi (VAS) usynady. Kompanııa naryqta eki brendpen usynylǵan: maqsatty aýdıtorııasy korporatıvtik klıentter (sonyń ishinde memlekettik mekemeler) bolyp tabylatyn Kcell jáne jappaı naryq abonentterine baǵyttalǵan Activ. Kompanııa Qazaqstan Respýblıkasynyń barlyq derlik aýmaǵyn qamtıtyn óziniń joǵary sapaly mobıldi baılanys jelisi arqyly qyzmet kórsetedi.