Pavlodar oblystyq óńirlik kommýnıkasııalar qyzmetinde ótken brıfıngide oblystyq Tótenshe jaǵdaılar departamentiniń bastyǵy Ernur О́tegenov búgingi tańda óńir boıynsha esepte sý basqan 28 eldi meken bar. Sonyń ishinde 17-si – tasqyn sýdan, 11-i – Shyǵys Qazaqstan oblysy sý qoımalarynyń Joǵarǵy Ertis kaskadynan sý jiberý kezeńinde, dep habarlaıdy Egemen.kz
Onyń aıtýynsha, Baıanaýyl jáne Aqtoǵaı aýdandaryndaǵy eldi mekender qutqarýshylar men bıliktiń baqylaýynda. Qardyń kúrt erýi kezinde topyraqtyń qatyp qalýyn eskere otyryp, TJD ókilderi Baıanaýyl aýdanynyń 101-shi shaqyrymyndaǵy joldar arqyly erigen sýdyń asyp ketý múmkindigin boljaıdy. Bul jerge kópir salynyp, Ashysý ózeniniń sýyn ótkizý úshin qosymsha eki sý ótkizý qubyry ornatylady.
Qurylysshylar jol tósemin bir metrden artyq kóteredi, bul kóliktiń kedergisiz ótýine kómektesedi. Pavlodar qalasynyń turǵyn úı-kommýnaldyq sharýashylyǵy bóliminiń basshysy Igor Rybas brıfıngide qala kóshelerinen 500 myń tonnadan astam qar shyǵarylǵanyn aıtty.
«Qazgıdromet» Pavlodar fılıalynyń basshysy Marjan Qusaıynova 1 qarashadan 30 naýryzǵa deıin Pavlodar oblysy men oblys ortalyǵynda jaýyn-shashynnyń jıyntyq mólsheri normadan 20% joǵary bolǵanyna nazar aýdardy. 25 naýryzdaǵy jaǵdaı boıynsha qardyń bıiktigi 25 santımetrdi qurady.