Qazaqstannyń jańa Konstıtýsııasyn qabyldaý boıynsha respýblıkalyq referendýmǵa Túrki memleketteri uıymynyń ókilderi baıqaýshy retinde qatysty. Uıymnyń bas hatshysynyń orynbasary Omer Kodjaman «Referendým – 2026» onlaın marafony aıasynda OKQ alańynda ótken brıfıngte sóz sóılep, daýys berý prosesiniń qalaı ótip jatqany jaıly pikirin bildirdi, dep habarlaıdy Egemen.kz.
«Biz Astana qalasynda Referendým barysyn baqyladyq. Jalpy, referendým barysyn qadaǵalaý kezinde sharanyń halyqaralyq standarttarǵa saı jáne óte joǵary deńgeıde ótip jatqanyna kýá boldyq.
Qazaqstan – qýatty túrkitildes memleketteriniń biri. Qurylymy da serpindi. Sondaı-aq aımaqta úlken kúshke ıe. Eger jańa Konstıtýsııa qabyldansa, eldiń damý múmkindikteri odan ári keńeıedi», dedi spıker.
TÚRKPA baıqaýshylary: Qazaqstan halqy belsendi daýys berip jatyr
Ol referendýmdy baqylaý barysynda halyqtyń daýys berýge erekshe yqylaspen qatysyp jatqan baıqaǵanyn aıtty.
«Bul – Qazaqstan úshin óte mańyzdy qujat. Eldiń memlekettik basqarý júıesinde úlken ózgerister oryn alýda. Parlamenttiń ataýy ózgerip, dástúrli túrde «Quryltaı» dep atalýda. «Vıse-prezıdent» degen laýazym engiziledi. Daýys berý Qazaqstannyń zańnamasyna, halyqaralyq standarttarǵa tolyqtaı saı ótip jatqanyn baıqadyq», – dedi O. Koddjaman.Qyrǵyzstan OSK tóraǵasy: Referendýmnyń tarıhı mańyzy zor