Megapolıste dárilik zattarmen qamtamasyz etý máselesi erekshe baqylaýda. Bul týraly Almaty qalasynyń ákimi Baqytjan Saǵyntaev buqaralyq aqparat quraldaryna arnalǵan onlaın-baspasóz konferensııasynda málimdedi, dep habarlaıdy Egemen.kz
Búginde antıkoıdty dári-dármekterdi turaqtandyrý qorynda 19,4 mıllıonnan astam dári-dármek bar, onyń ishinde 2,4 mıllıon antıbıotık, 335 myń antıkoagýlıant, 2,5 mıllıon asetılsalısıl qyshqyly, 78 myń dárýmen, 568 myń gormonaldy preparat, 4, 15 mıllıon antıpıretık, 9 mıllıon medısınalyq qural – shprıster, ınfýzııalyq júıeler, 180 myń vırýsqa qarsy preparat jáne 300 myńnan astam basqa dáriler, bul eki aılyq qordan edáýir artyq.
Sonymen qatar dárihana jelileri óz qoımalarynda dári-dármekterdiń edáýir qoryn qurdy jáne suranystyń 20%-ǵa deıin maýsymdyq az ǵana óskenin atap ótti. Betperde jetkilikti. Kún saıyn 749 myń betperde shyǵarylady, jetkizýshilerdiń qoımalarynda 33 mıllıonnan astam betperde bar.
Buryndary B.Saǵyntaev QR farmasevtıkalyq qyzmetti qoldaý jáne damytý qaýymdastyǵynyń ókilderimen, iri dıstrıbıýtorlarymen jáne Almatydaǵy dárihanalar jelilerimen dári-dármekpen qamtamasyz etý jaǵdaıy týraly keńes ótkizgen edi. Búginde qaladaǵy barlyq dárihanalarda koronavırýs ınfeksııasyn emdeıtin suranysqa ıe dári-dármekter bar.