Italııanyń soltústigindegi jaǵalaýda ornalasqan Vallekrozııa qalasy ınternettegi izdeý júıeleriniń algorıtmin «aldap», týrısterdi kóbirek tartý úshin resmı ataýyn ózgertti, dep habarlaıdy Egemen.kz.
Jerorta teńiziniń jaǵasynda, Fransııamen shekaraǵa jaqyn mańda ornalasqan bul shıpajaıǵa kelýshiler sany osy ýaqytqa deıin óte az bolǵan. Mamandar munyń basty sebebin qalanyń ataýynan kórdi.
Aqtaý mańynda shveısarııalyq týrıster mingen kólik aýdarylyp qaldy
Italıan tilinde «valle» sózi «alqap» nemese «jazyq» degen maǵynany bildiredi. Osyǵan baılanysty ınternette jaǵajaı demalysyn izdegen paıdalanýshylar Vallekrozııaǵa tap bola almaı kelgen. Sebebi Google jáne basqa da izdeý júıeleriniń algorıtmderi bul qalany teńiz jaǵalaýy emes, taý bókterindegi meken retinde qabyldap, sáıkes nátıjeler shyǵarǵan.
Qala bıliginiń tapsyrysymen júrgizilgen marketıngtik zertteýler ataýdy ózgertý qalanyń tanymaldylyǵyn arttyratynyn kórsetti. Nátıjesinde qalanyń resmı ataýyna «al Mare» (teńiz jaǵasyndaǵy) degen tirkes qosyldy. Endi bul meken resmı túrde Vallecrosia al Mare dep atalady.
Kólsaıdaǵy oqys oqıǵa: Týrıstik mıkroavtobýs betkeıden qulap ketti
Qala ákimshiligi ataýdy jańartý arqyly týrıster aǵyny aıtarlyqtaı ósedi dep úmittenip otyr. Al jergilikti turǵyndar úshin bul ózgeris bıýrokratııalyq qıyndyqtar týdyrmaıdy:
Poshta ındeksi burynǵysha qalady; Jeke qujattar merzimi bitken saıyn kezeń-kezeńimen jańartylady.