15 mamyr kúni Astana qalasynda Qazaqstan Respýblıkasy Qarýly Kúshteri Áýe qorǵanysy kúshteriniń josparly is-sharalary ótedi. Osyǵan oraı elorda aspanynda joıǵysh ushaqtardyń demonstrasııalyq ushýy uıymdastyrylady, dep habarlaıdy Egemen.kz.
Is-sharanyń joǵary deńgeıde ótýin qamtamasyz etý maqsatynda 10 mamyrdan bastap áýe keńistiginde áskerı avıasııanyń daıyndyq jumystary men jattyǵý ushýlary bastalady.
Qorǵanys mınıstrligi ushý is-sharalarynyń qala turǵyndary úshin tolyqtaı qaýipsiz ekenin atap ótti.
Kolýmbııada áskerı ushaq apatqa ushyrady: 66 adam qaza tapty
«Joıǵysh ushaqtardyń ushýy men jattyǵý is-sharalary qaýipsiz bıiktikte júzege asyrylady jáne qala turǵyndarynyń kúndelikti tynys-tirshiligine kedergi keltirmeıdi.Elorda turǵyndary men qonaqtarynan jattyǵýlar men demonstrasııalyq ushý kezeńinde týyndaýy múmkin qysqa merzimdi shý deńgeıiniń artýyna túsinistikpen qaraýdy suraımyz», delingen habarlamada.
Demonstrasııa kezinde qoldanylatyn túrli tústi tútinder tek shoýdyń kórkemdik sıpatyn arttyrýǵa arnalǵan. Olardyń qorshaǵan ortaǵa nemese adam densaýlyǵyna eshqandaı zııany joq.
Barlyq ushýlar qaýipsizdik talaptaryna qatań sáıkes uıymdastyrylǵan jáne halyqqa eshqandaı qaýip tóndirmeıdi.