Nur-Sultan qalalyq Tótenshe jaǵdaılar departamenti baspasóz qyzmetiniń málimetinshe, «Shapaǵat» bazarynda órt shyǵyp, jedel qyzmettiń mamandary jalynmen arpalysyp jatyr, dep habarlaıdy Egemen.kz
«Búgin 22:30-da Nur-Sultan qalasynyń órt sóndirý bólimderiniń mamandary Saryarqa aýdany, Bógenbaı batyr 69 mekenjaıy, Shapaǵat bazaryna shaqyrtýǵa attandy. Bara salysymen shatyrdyń jáne syrtqy jabyndy qabattyń órtenip jatqany anyqtaldy. Qazirgi sátte órt sóndirý jumystary júrgizilip jatyr» delingen qalalyq TJD baspasóz qyzmeti taratqan habarlamada.
Aldyn ala aqparattar boıynsha oqıǵa ornynda shuǵyl órt sóndirý shtaby qurylǵan. Qurban bolǵandar men japa shekken eshkim joq. О́rtti Nur-Sultan qalasy TJD-ǵa qarasty 8 tehnıka men 32 maman sóndirip jatyr.