El aýmaǵynda sý tasqyny jaǵdaıy turaqty. О́tken táýlikte úılerdi sý basý jáne joldardy sý shaıý faktileri tirkelgen joq. Bul týraly QR TJM resmı ókili Talǵat Ýálı habarlady.
Respýblıkalyq jedel shtab, sonymen qatar Aqmola, Aqtóbe, Batys Qazaqstan, Shyǵys Qazaqstan, Qaraǵandy, Qostanaı, Pavlodar jáne Soltústik Qazaqstan oblystarynyń TJD-da shtabtar jumysyn jalǵastyrýda.
Kóktemgi sý tasqynynan týyndaǵan TJ-nyń qaýip-qaterin azaıtý maqsatynda Aqmola, Batys Qazaqstan, Shyǵys Qazaqstan, Qaraǵandy, Pavlodar oblystarynda jergilikti atqarýshy organdardyń jáne TJM bólimsheleriniń kúshteri profılaktıkalyq jumystar júrgizýde.
Aqmola oblysynyń Shortandy aýdanyndaǵy Talqara jáne Kolýton ózenderinde muz jamylǵysyn álsiretý boıynsha jalpy aýdany 600 sharshy metr muz jarý jumystary júrgizildi. Ol úshin 135 kg jarylǵysh zat paıdalanyldy. Selınograd, Jarqaıyń, Shortandy jáne Esil aýdandarynda kósheler men aýla aýmaqtarynan 516,5 tekshe metr erigen qar sýy soryldy. Kókshetaý q., Atbasar jáne Bulandy aýdandarynda ınertti materıal toltyrylǵan 1726 qap tóseldi, Sandyqtaý jáne Bulandy aýdandarynda ınertti materıal toltyrylǵan 450 qap daıyndaldy. Kókshetaý q. jáne Selınograd aýdanynda 380 metr bógen nyǵaıtyldy. 7 aýdanda (Aqkól, Bulandy, Býrabaı, Esil, Jaqsy, Sandyqtaý, Shortandy) jáne Kókshetaý qalasynda 13198 metr kanal tazartyldy, 34,219 tekshe metr qar shyǵaryldy.
Shyǵys Qazaqstan oblysynyń О́skemen qalasy men Besqaraǵaı aýdanynda kósheler men aýla aýmaqtarynan 2742 tekshe metr erigen qar sýy soryldy. Jaǵdaıdy baǵalaý maqsatynda ákimdik, TJD, «Qazseldenqorǵaý» MM fılıaly jáne «Qazekspertıza» JShS ókilderi Altaı aýdanynyń, Glýbokoe jáne Katonqaraǵaı aýdandarynyń aýmaǵyn áýeden sholyp ushyp shyqty. Kókpekti aýdanynyń Samarskoe aýylynda TJM 52859 áskerı bóliminiń mamandary uzyndyǵy 300 metr aryqty tazartyp, halyqtyń áleýmettik osal tobyna kómek kórsetýde (aýlalardy qar men muzdan tazartty, aryqtar men arnalardy tazartyldy).
Altaı aýdanynda (Altaı q., Maleevsk k., Zýbovsk k.) sý tasqyny jaǵdaıynda is-qımyl tártibi boıynsha halyqpen jumys uıymdastyryldy (39 úı), 100 qap ınertti materıalmen toltyryldy. Uzyndyǵy 50 metr sý quby men arna tazalandy.
Batys Qazaqstan oblysynyń Oral qalasy men Báıterek aýdanynda, Bórli, Qaratóbe, Terekti jáne Shyńǵyrlaý aýdandarynda kósheler men aýla aýmaqtarynan 8336 tekshe metr erigen qar sýy soryldy. Oral, Aqsaı jáne Shyńǵyrlaý aýdandarynan 5,537 tekshe metr qar shyǵaryldy.
Qaraǵandy oblysynyń Qarqaraly aýdanynda (Qarakól aýyly) uzyndyǵy 50 m jer biligi salyndy, 50 tonna ınertti materıaldar qory daıyndaldy. Buqar jyraý (800m) jáne Osakarov (200m) aýdandarynda joldarda 1000 metr aryq jáne 5 sý ótkizý qurylysy, Aqtoǵaı aýdanynda 300 m kanal tazartyldy. Oblystyń 4 aýdanynda (Aqtoǵaı, Nura, Osakarov, Qarqaraly) 835 tekshe metr qar shyǵaryldy.
Pavlodar oblysynyń 3 qalasy (Pavlodar, Ekibastuz, Aqsý) men 3 aýdanynda (Aqtoǵaı, Jelezın, Ertis) 3452 tekshe metr qar shyǵaryldy.
Profılaktıkalyq jumystardy júrgizýge TJM, jergilikti atqarýshy organdardan, Polısııa departamentinen jáne uıymdardan 937 adam, 390 birlik tehnıka, 30 birlik motopompa jumyldyryldy.