Almatyda Azııa chempıonaty ótedi

Alash topyraǵynda Azııa chempıo­naty alǵash ret uıymdastyrylǵaly otyrǵan joq. Dúbirli dodany biz buǵan deıin úsh márte qabyldaǵan edik. Áli esimizde, 2004 jyly Almatyda grek-rım kúresinen qurlyq birinshiliginiń jalaýy jelbiredi. Komandalyq esep­tegi basty tartys Qazaqstan men Ońtús­tik Koreıa quramalary arasynda ótip, nátıjesinde bizdiń jigitterdiń jo­ly boldy. О́z salmaq dárejelerinde Áset Imanbaev (55 kılo), Abdolla Jabyraılov (84 kılo) jáne Georgıı Sýrsýmııa (120 kılo) dara shyqsa, Nurbaqyt Teńizbaev (60 kılo), Roman Mele­shın (66 kılo) jáne Danıl Halı­mov (74 kılo) fınalda utyldy. Ońtústik Koreıanyń balýandary 2 altyn, 2 kúmis jáne 2 qolamen ekinshi orynda qalyp qoıdy. Sondaı-aq О́zbekstan men Qyrǵyzstannan kelgen sportshylarǵa bir-bir bas júldeden buıyrdy. Al erkin kúres sheberleriniń jarysy Tegeranda ótse, áıelder kú­resiniń ókilderi Tokıoda saıysqa tústi.

2006 jyly sary qurlyqtyń sa­ıypqyrandary Almatyda bas qo­syp, 21 júlde jıyntyǵyn sarapqa salǵanyn sportsúıer qaýym umyta qoıǵan joq. Grek-rım kúresinen ótken jarysta 3 altyn, 1 kúmis jáne 2 qola medaldy qorjynǵa salyp, jal­py­komandalyq esepte kósh basta­ǵanbyz. Jerlesterimizdiń arasynan Nurbaqyt Teńizbaev (60 kılo), Mar­ǵulan Ásem­bekov (96 kılo) jáne Georgıı Sýrsýmııa (120 kılo) qarsylas shydatpaı, bas júldeni oljalady. Fınalda Teńizbaev pen Ásembekov Qytaı balýandaryn utsa, Sýrsýmııa Irannyń alybynan aılasyn asyrdy. Ýaqyt oza Nurbaqyttan jeńilgen Shen Szıan Olımpııa men Azııa oıyndarynyń júldegeri jáne Azııa chempıony atandy. Vıtalıı Zaharchenko (84 kılo) kúmis alsa, Beıbit Nuǵymanov (66 kılo) pen Roman Meleshın (74 kılo) qolaǵa qol sozdy.

Erkin kúresten ótken jarysta da jerlesterimiz jasyndaı jarqyldady. Leonıd Spırıdonov (66 kılo), Nurjan Qataev (96 kılo) jáne Marıd Mýtalımov (120 kılo) altyn tuǵyrǵa kóterilse, Baýyrjan Orazǵalıev (60 kılo) pen Gennadıı Lalıev (84 kılo) úshinshi orynǵa taban tiredi. Komandalyq esepte bizdiń balýandardyń aldyna eshkim túse alǵan joq. Al áıelder kúresinde Elena Shalygınanyń (63 kılo) kúmisi jáne qos Olga – Kalınına (67 kılo) men Jánibekovanyń (72 kılo) qolasyn qanaǵat tutýǵa týra keldi.

2014 jylǵy Azııa chempıonatyn qazirgi Nur-Sultan qalasy qabyldady. Bul jarysta 17 memleketten kelgen 257 sportshy boz kilemge shyǵyp, 17 júlde jıyntyǵyn sarapqa saldy. Grek-rım kúresinde jerlesterimizge Qyrǵyzstan men Ońtústik Koreıa quramalary ájep­táýir qarsylyq kórsetti. Atalǵan ko­mandalardyń barlyǵy da qos altyndy qorjynǵa saldy. Desek te kúmis pen qolany qosa eseptegende, jarys qojaıyndarynyń aldyna eshkim túse alǵan joq. Otandastarymyzdyń arasynan Nursultan Tursynov (85 kılo) pen Erulan Ysqaqov (98 kılo) teńdessiz dep tanylsa, Maqsat Erejepov (71 kılo) aqtyq synda súrindi. Al Aıbek Eń­se­hanov (66 kılo) pen Azamat Qus­­tybaev (80 kılo) úshinshi satyǵa jaıǵasty.

Erkin kúreste Irannyń apaıtósteri aldaryna jan salmady. Sarapqa sa­lynǵan segiz bas júldeniń altaýy­n solar oljalady. Tek eki salmaq dáre­jesinde ǵana ózge memlekettiń ókil­derine bas júlde buıyrdy. Bul rette qazaqstandyq Rasýl Qalıev (57 kı­lo) pen mońǵolııalyq Dorjhandyq Gıý­der­­bulǵanyń (97 kılo) baǵy jandy. Otandastarymyzdyń arasynan Ra­sýldan bólek, taǵy úsh jigitimiz jeńis tuǵyryna kóterildi. Atap aıtsaq, Aslan Kahıdze (86 kılo) kúmis jáne Dáý­let Nııazbekov (61 kılo) pen Dáýlet Sha­banbaı (125 kılo) qolaǵa qol jetkizdi.

Nur-Sultanda burymdylarymyz da aýyz toltyryp aıtarlyqtaı tabysqa jetti. Tatıana Amanjol (48 kılo) men Gıýzel Manıýrova (75 kılo) altynnan alqa taqsa, Aıym Ábdildına (55 kılo), Ekaterına Larıonova (63 kılo) men Elmıra Syzdyqova (69 kılo) qola medaldy moıyndaryna ildi. Nátıjesinde, bizdiń sulýlar jalpy esepte Japonııa men Qytaıdan ǵana qalyp qoıyp, úshin­shi oryndy enshiledi.

Mine, Alash topyraǵynda ótken Azııa chempıonattarynyń qysqasha tarıhy osyndaı. Al eń sońǵy ret sary qur­lyqtyń basty dodasy byltyr Úndis­tannyń astanasy – Nıý-Delıde uıym­dastyryldy. Qazaqstannyń balýandary bul jarysta kúrestiń úsh túri boıynsha da jalpykomandalyq esepte úshinshi oryndy ıelendi. Tarqatyp aıtsaq, Ún­distanda qol jetkizgen nátıjemiz tómendegideı:

Erkin kúres: Danııar Qaısanov (74 kılo) pen Iýsýp Batyrmurzaev (125 kılo) – altyn. Dáýlet Nııazbekov (65 kılo), Meıirjan Áshirov (70 kılo), Ilıs­han Chılaev (92 kılo) jáne Álisher Erǵalı (97 kılo) – qola. Barlyǵy – 2 altyn men 4 qola. Aldymyzda Iran men Úndistan quramalary.

Grek-rım kúresi: Temirlan Sha­dýkaev (77 kılo) – altyn. Ibragım Ma­gomadov (72 kılo) – kúmis. Qorlan Jaqansha (55 kılo), Azamat Qustybaev (87 kılo) jáne Mansýr Shadýkaev (130 kılo) – qola. Barlyǵy – 1 altyn, 1 kúmis jáne 3 qola. Aldymyzda – Iran men О́zbekstannyń balýandary.

Áıelder kúresi: Tatıana Amanjol (53 kılo) jáne Jámıla Baqbergenova (72 kılo) – altyn. Aıaýlym Qasymova (62 kılo) – kúmis. Valentına Islamova (50 kılo), Marına Zýeva (55 kılo), Altynaı Satylǵan (57 kılo), Mádı­na Baqbergenova (59 kılo) jáne Elmıra Syzdyqova (76 kılo) – qola. Bar­lyǵy 2 altyn, 1 kúmis jáne 5 qola. Al­dymyzda – Japonııa men Úndistan komandalary.

Almatyda ótetin Azııa chempıonatynda Qazaqstannyń namysyn qorǵaıtyn balýandar:

Grek-rım kúresi: Janserik Sársenbıev (55 kılo), Aıdos Sultanǵalı

(60 kılo), Sultan Ásetuly (63 kılo), Almat Kebisbaev (67 kılo), Azat Sadyqov (72 kılo), Demeý Jadyraev (77 kılo) Evgenıı Polıvadov (82 kılo), Azamat Qustybaev (87 kılo), Erulan Ysqaqov (97 kılo) jáne Álimhan Syzdyqov

(130 kılo).

Áıelder kúresi: Valentına Islamova (50 kılo), Tatıana Ahmetova (53 kılo), Aısha Ýálıhan (55 kılo), Altynaı Satylǵan (57 kılo), Dıana Kaıýmova (59 kılo), Irına Kýznesova (62 kılo), Gaýhar Muqataı (65 kılo), Anastasııa Panasovıch (68 kılo), Jámıla Baqbergenova (72 kılo) jáne Elmıra Syzdyqova (76 kılo).

Erkin kúres: Azııa chempıonatyna qatysatyn balýandar Almatyda ótetin lısenzııalyq týrnırden keıin anyqtalady.

ALMATY