Qasıetti Ramazan aıynda Shyǵys Qazaqstan oblystyq «Halıfa Altaı» meshitinde mamandandyrylǵan vaksına egý pýnkti ashyldy, dep habarlaıdy Egemen.kz.
Meshitte ashylǵan bul pýnkt Ramazan aıy boıy turaqty jumys isteıdi.
«Ramazan aıynda meshitke kelýshi halyq kóp bolǵandyqtan vaksına alýǵa emhanalarǵa baryp, ýaqyt joǵaltpasyn degen nıetpen osy ortalyqty ashyp otyrmyz. Bul turǵyndarǵa yńǵaıly bolý úshin jasaldy. Ekinshiden, bul vaksına egýdi jedeldetýge barynsha kómek bolady», dep atap ótti bas ımamy Ermek Qasbolatuly.
Egý pýnkti ashylǵan sátte-aq vaksına alýǵa nıet bildirýshiler kóp boldy. Oblystyń bas memlekettik sanıtarııalyq dárigeri Qanat Týrdıevtyń aıtýynsha, egý pýnktine arnalǵan jabdyqtar «Ana men bala ortalyǵynan» ákelindi. Oryn barlyq sanıtarlyq erejelerge saı.
Vaksına alǵan pasıent emhanadaǵydaı 30 mınýt kútý zalynda medısınalyq baqylaýda bolady. Vaksına egý aldynda dene temperatýrasyn ólsheý, arterııalyq qan qysymyn ólsheý syndy dárigerdiń tekserýi júrgiziledi.