Memleket basshysynyń halyqqa joldaýynda aıtylǵan oqý oryndaryn tekserý tapsyrmasy oryndaldy. Bul týraly Prezıdenttiń baspasóz hatshysy Berik Ýálı óziniń Facebook paraqshasynda jarııalady, dep habarlaıdy Egemen.kz.
«Byltyr men dıplomdy ońdy-soldy úlestirýmen aınalysatyn bilim mekemelerin jabýdy tapsyrǵan bolatynmyn. Bilim berýdi tabysty bızneske aınaldyrǵan yqpaldy adamdardyń qarsylyǵynan bul jumys baıaý júrip jatyr. Biraq problemany sheshý kerek», degen edi Qasym-Jomart Toqaev 2020 jyldyń 1 qyrkúıegindegi halyqqa Joldaýynda.
Berik Ýálıdiń aıtýynsha, 2020 jyly 38 JOO-ǵa profılaktıkalyq tekserý júrgizilgen. 14 JOO-da jumysqa ornalastyrý kórsetkishteri talap etiletin normatıvten tómen bolǵan.
Al 2021 jyly 42 joǵary oqý ornyna aldyn ala baqylaý júrgizý josparlanyp otyr. Jyl basynan beri 53 myńǵa jýyq stýdent bilim alatyn 7 JOO jabylǵan. JOO oqytýshylary jumyspen qamtylyp, stýdentter basqa joǵary bilim berý mekemelerine aýystyrylǵan.
Sonymen birge, úsh oqý orny bas lısenzııasynan aıyrylǵan.
Olar:
- 35 myńǵa jýyq stýdenti bar Aımaqtyq áleýmettik-ınnovasııa ýnıversıteti.
- 5 myńnan astam stýdenti bar M. Tynyshpaev atyndaǵy Qazaq kólik jáne kommýnıkasııalar akademııasy.
- Qazaq medısınalyq úzdiksiz bilim berý ýnıversıteti (JOO atalǵan sheshimge shaǵymdandy, qazirgi ýaqytta sot prosesi júrip jatyr).