73 laýazymdy jáne zańdy tulǵaǵa 2 000 000 teńgeden astam somaǵa aıyppul salyndy, dep habarlaıdy Egemen.kz Ravlodarnews.kz saıtyna silteme jasap.
Oblystyq PD baspasóz qyzmetiniń málimetinshe, polısııa qyzmetkerleri respýblıkalyq jáne jergilikti mańyzy bar joldardy tekserýdi turaqty negizde júrgizedi.
«2021 jyldyń basynan beri jalpy paıdalanymdaǵy avtojoldarǵa 467 tekserý júrgizilip, 1403 aqaý anyqtaldy. Barlyq buzýshylyqtar boıynsha anyqtalǵan kemshilikterdi joıýǵa uıǵarymdar berildi. Budan basqa, 73 laýazymdy jáne zańdy tulǵa joldardy qanaǵattanarlyqsyz ustaǵany jáne joldarda jumys júrgizý erejelerin buzǵany úshin jaýapkershilikke tartyldy», dep habarlady brıfıngte ákimshilik polısııa basqarmasy bastyǵynyń orynbasary Arystan Dúısembaev.
Shiderti-Nur-Sultan joldaryn qys mezgilinde kútip ustamaǵany úshin merdiger uıym, JShS-niń biri QR ÁQBtK-niń 462-baby 3-bóligi boıynsha ákimshilik jaýapkershilikke tartylyp, 500 AEK mólsherinde aıyppul salyndy.
Temir jol ótpelerin qanaǵattanarlyqsyz ustaǵany úshin 13 laýazymdy tulǵaǵa 400 myń teńge kóleminde aıyppul salyndy.