Aryzdyń kóbi bank sektoryna tıesili

– Bereshekti qaıta qurylymdaý jáne qaıta qarjylandyrý bank sek­toryndaǵy ózekti másele bolyp qala beredi. Bul baǵyt­ta ıpotekalyq qaryz­­dardy qaı­ta qar­­jy­lan­dyrý baǵ­dar­la­masy sheń­berin­­de ıpo­tekalyq qa­ryz­­dardy qaıta qar­jylandyrý da qara­latynyn atap ótken jón. Sonymen qatar azamattar qarjy uıymdarynyń basqa bankterdegi shottarda turǵan aqshany aksep­teýsiz tártippen óndirip alýyna qatys­ty júginýde. Budan basqa, birqatar tutyný­shy bank sektory boıynsha normatıvtik quqyqtyq akti­lerdiń normalaryn túsindirýge nemese bank­tik qaryz shartynyń talaptaryn Qazaq­stan zańnamasynyń talaptaryna sáıkes­tigi turǵysynan tekserýge ótinish berýde, – deıdi Qarjy­lyq qyzmetterdi tuty­ný­­shylardyń quqyqtaryn qorǵaý depar­ta­mentiniń dırektory Aleksandr Terentev.

Onyń aıtýynsha, saqtandyrý tó­le­min júzege asyrmaý da saqtandyrý sek­­toryn­daǵy eń suranysqa ıe másele bolyp otyr. Bul rette osy sektordaǵy óti­nish­­terdiń paıyzy eń tómen ekenin de aıta ketý kerek. Budan basqa, saqtan­dyrý sharty talaptarynyń Qazaqstan zańna­­masynyń talaptaryna sáıkes bolýyn tekserý týraly birneshe ótinish kelip túsken.

– Kollektorlyq agenttikterge kelsek, eń jıi kóteriletin másele – qyz­­met­kerler is-áreketteriniń zańsyz­­dyǵy. Qarjylyq qyzmetterdi tutyný­shy­lardyń barlyq ótinishteri boıyn­sha qujattamalyq tekserýler júrgi­zildi, ótinish berýshilerge resmı jaýap­tar berildi. Qazir karantın rejimi­ne baılanysty qaýipsizdikti qamtama­syz etý jáne COVID-19-dyń taralýy­na jol bermeý maqsatynda qarjy­lyq qyzmetterdi tutyný­shylardyń quqyq­taryn qorǵaý depar­tamenti aýdıo­kon­ferensııa baılanysy arqyly ár seısenbi jáne juma kúnderi saǵat 10.00-den 13.00-ge deıin azamattardy qa­byl­daıdy, – dep atap ótti A.Terentev.

Qabyldaýǵa jazylý úshin qarjy uıymy­nyń tolyq ataýy, ótinishtiń qysqasha sıpaty jáne mindetti túrde «qabyldaýǵa jazylý» taqyrybyn kór­setip Yermek.Utemisov@finreg.kz elektrondy poshtasyna ótinish joldaý qajet.

I toqsannyń qorytyndysy boıyn­­sha jalpy somasy 6,94 mln teńge­ni qu­­­raıtyn 28 ákimshilik jaza qol­da­nylǵan. Agenttik qarjylyq qyzmet­ter­di tu­tyný­shylardyń quqyq­taryn qorǵaý jáne qarjy sektoryn­daǵy jú­ıeli buzý­shy­lyqtardy joıý bo­ıynsha júıeli jumystardy jalǵastyrady.