QR Prezıdentiniń kómekshisi – Qaýipsizdik Keńesiniń Hatshysy Dýshanbe qalasynda Ujymdyq qaýipsizdik týraly shart uıymynyń (UQShU) Qaýipsizdik keńesi hatshylary komıtetiniń otyrysyna qatysty, dep habarlaıdy Egemen.kz.
Jıynǵa Armenııa Qaýipsizdik keńesiniń hatshysy Armen Grıgorıan, Belorýsııanyń Qaýipsizdik Keńesi Memlekettik hatshysy Aleksandr Volfovıch, Qyrǵyzstan Qaýipsizdik keńesiniń hatshysy Ryskeldı Mýsaev, Reseı Qaýipsizdik keńesiniń hatshysy Nıkolaı Patrýshev, Tájikstan Qaýipsizdik keńesiniń hatshysy Nasrýllo Mahmýdzoda jáne UQShU Bas hatshysy S.Zas qatysty.
Kezdesý barysynda qaýipsizdik keńesiniń hatshylary halyqaralyq jáne óńirlik qaýipsizdiktiń eń ózekti máseleleri boıynsha pikir almasyp, UQShU-nyń qazirgi ahýaly men damý perspektıvalaryn talqylady.
Áset Isekeshev áriptesterin UQShU qyzmetiniń mańyzdy baǵyttary boıynsha Qazaqstannyń ustanymy týraly habardar etip, elimizdiń múddelerin eskere otyryp, Uıymdy odan ári úılesimdi damytý jóninde birqatar usynystar aıtty.
Jıynda halyqaralyq terrorızm, kıberqylmys, esirtkiniń zańsyz aınalymy sııaqty syn-tegeýrinder men qaýipterge qarsy is-qımyldyń praktıkalyq sharalaryna erekshe nazar aýdaryldy.
Otyrys qorytyndysy boıynsha is-sharaǵa qatysýshylar Uıym sheńberinde ózara is-qımyldy jetildirýge baǵyttalǵan birqatar qujatqa qol qoıdy.
Qaýipsizdik keńesi hatshylary komıtetiniń kezekti otyrysyn 2021 jyldyń tórtinshi toqsanynda, UQShU Ujymdyq qaýipsizdik keńesiniń sessııasy qarsańynda Dýshanbe qalasynda ótkizý týraly sheshim qabyldandy.