Qyzylorda oblysynda osy aıda eki adamnan Kongo-qyrym gemorragııalyq qyzbasy anyqtaldy, dep habarlaıdy Egemen.kz
Qazir olardyń jaǵdaılary birqalypty, juqpaly aýrýlar bóliminde em alýda. Eki derek te Shıeli aýdanynan tirkelip otyr.Jalpy oblysta 113 eldi meken qolaısyz dep tanyldy. Bul eldi mekenderdi zalalsyzdandyrýǵa bıýdjetten qarjy qarastyrylǵan.«Memlekettik satyp alý konkýrsynyń nátıjesinde zalalsyzdandyrý jumystaryn júrgizýge merdigerler belgilendi. Iаǵnı 567 318 mal basy, 33385 qora, sýattar kóktem jáne kúzde zalalsyzdandyrylady. Qazir Shıeli, Jańaqorǵan aýdandarynda I-shi kezeń aıaqtalyp, II-shi kezeń júrgizilýde. Jalaǵash pen Syrdarııa aýdandarynda I-shi kezeń bastaldy», dedi oblystyq jumyldyrý daıyndyǵy basqarma basshysynyń orynbasary Baǵdat Álıev.
Oblystyq sanıtarııalyq-epıdemııalyq baqylaý departamenti basshysynyń orynbasary Álııa Ábdiqaıymova keneniń shaǵýynan bolatyn aýrýdy boldyrmaý baǵytyndaǵy jumystardy saralap, jándik shaqqan jaǵdaıda birden turǵylyqty jerdegi medısınalyq pýnktke júginip, qajetti em-dom sharalaryn alý kerektigin atap ótti.