Mehıkoda metro kópiriniń qulaýy saldarynan qaza tapqandardyń sany 23-ke jetti. Bul týraly búgin qaıǵyly oqıǵa bolǵan jerde júrgen megapolıs basshysy Klaýdııa Sheınbaým habarlady, dep jazady Egemen.kz «TASS» agenttigine silteme jasap.
«О́kinishke qaraı, osy ýaqytqa deıin 23 adamnyń denesi tabyldy. 65 adam aýrýhanaǵa jatqyzyldy», dedi Mehıko qalasynyń basshysy.
Qalanyń ońtústigindegi Olıvos stansııasynyń janynda dúısenbi kúni jergilikti ýaqytpen 22:25-te (Nur-Sultan ýaqytymen 09:25), poıyz ótip bara jatqan sátte kópir qulap ketken edi. Saldarynan eki vagon 10 metr bıiktikten qulady. Quqyq qorǵaý organdary apattyń sebepterin anyqtap jatyr.
Aıta keteıik, bul aımaqtaǵy Mehıko metro jelisi 2012 jyldyń qazan aıynyń sońynda paıdalanýǵa berilgen.