Almaty oblysynda júk kóligi men jeńil avtokólik soqtyǵysyp, bir adam mert boldy, dep habarlaıdy Egemen.kz
Almaty oblystyq polısııa departamentiniń baspasóz qyzmeti kólik apaty búgin saǵat 11:45 shamasynda bolǵanyn habarlady. «Almaty-Kókpek-Kóktal» tasjolynyń 24-shi shaqyrymynda bolǵan oqıǵa kezinde 32 jastaǵy jolaýshy kóz jumǵan.
Aldyn ala boljam boıynsha, Toyota avtokóliginiń 23 jastaǵy júrgizýshisi rólge ıe bola almaı qarsy baǵytqa shyǵyp ketken. Saldarynan Panfılov aýylynyń mańynda «HOWO» markaly júk kóligine soǵylǵan.
«Kólik apaty kezinde Toyota avtokóligindegi 23 jastaǵy jolaýshysy oqıǵa ornynda tilge kelmesten mert boldy. Al júk kóliginiń júrgizýshisi túrli dene jaraqatymen Talǵar aýdandyq aýrýhanasyna jetkizildi» delingen atalǵan vedomstvonyń málimdemesinde. Qazir atalǵan fakti boıynsha QR QK 345 baby 3 bóligine sáıkes sot-aldy tergeý bastaldy. Qajetti saraptamalar taǵaıyndalǵan.