Aqsý aýdandyq polısııa bóliminiń bastyǵy ózine qatysty áleýmettik jelilerde vıdeo jarııalaǵannan keıin qyzmetinen ketti, dep habarlaıdy Egemen.kz.
Ishki ister organdary qyzmetkeriniń etıkaǵa saı kelmeıtin áreketteri túsirilgen vıdeo jelide 4 mamyr kúni paıda boldy.
«Bul qyzmetker personalmen jumys jasaý kezinde óreskel qatelik jibergenin moıyndady jáne qyzmetinen bosatýy týraly raport berdi. Degenmen, bul faktige qatysty meniń tapsyrmam boıynsha, Almaty oblysy IID Ishki qaýipsizdik basqarmasy qyzmettik tergeý júrgizýde, onyń nátıjeleri boıynsha bolǵan jaǵdaıǵa obektıvti baǵa beriledi», dedi Almaty oblysy PD bastyǵy, polısııa general-maıory S.M.Kúdebaev.
Buǵan deıin áleýmettik jelilerde Aqsý aýdandyq polısııa bastyǵynyń mindetin atqarýshy azamattyń qol astyndaǵy qyzmetkerge dórekilik tanytqan sáti túsirilgen vıdeo ınternette taralyp ketken edi.