Oman Sultanatynda bılik medısına qyzmetkerlerine pandemııa kezinde jumystan shyǵýǵa tyıym saldy, dep habarlaıdy Egemen.kz.
Bul talaptyń engizilýi COVID-19 vırýsynyń jańa jaǵdaılarynyń kóp tirkelýimen jáne jergilikti aýrýhanalardyń medısınalyq qyzmetkerlerine artylǵan júktemeniń ulǵaıýymen baılanysty. Úkimet tyıym salýdyń dál qazirgi ýaqytta eń qajetti shara ekenin aıtady.Fransııa kelýshiler mindetti túrde karantınnen ótkiziletin elderdiń tizimin keńeıtedi. Mundaı sharalar koronavırýstyń jańa shtamdarynyń taralýyn boldyrmaý maqsatynda qabyldanýda. Buǵan deıin bılik Brazılııa, Úndistan, Chılı, Ońtústik Afrıka Respýblıkasy, Argentına jáne Gvıanadan kelgender úshin mindetti 10 kúndik karantın belgileý týraly jarlyq shyǵarǵan bolatyn.Kambodja Úkimeti buqaralyq aqparat quraldaryna «qyzyl» aımaqtardaǵy oqıǵalardy jarııalaýǵa jáne jedel járdem kólikterin túsirýge tyıym saldy, sebebi el ınfeksııanyń rekordtyq ósýimen kúresýde. Bılik aýrýhanalarda tósek oryndardyń jetispeýshiligine baılanyysty mektepter men banket zaldaryn medısınalyq ortalyqtarǵa qaıta beıimdep jatyr.6 mamyrdan bastap Bavarııa bıligi COVID-19-ǵa qarsy vaksınalanǵan adamdar úshin áleýmettik shekteýlerdi alyp tastaıdy. Bul týraly aımaq basshysy baspasóz máslıhatynda málimdedi. Ol ekpe saldyrǵan jáne aýyryp jazylǵan adamdar týys-tanystarymen kedergisiz kezdesýlerge bara alatyndyǵyn jáne olarǵa komendanttyq saǵat talaptary qoldanylmaıtyndyǵyn, mekemeler men dúkenderge barǵan kezde PTR testiniń nátıjeleri talap etilmeıtindigin atap ótti. Bavarııanyń qalǵan turǵyndary úshin komendanttyq saǵat áli de 22:00-den 05:00-ge deıin áreket etedi.Búgin Úndistanda koronavırýstan kóz jumý jaǵdaılary men ınfeksııany juqtyrý kórsetkishi boıynsha jańa rekord jańartyldy. О́tken táýlikte: 412 618 adamnan koronavırýs ınfeksııasy anyqtalǵan bolsa, 3 982 adam aýrýdan qaıtys boldy.