Ýkraına prezıdenti Vladımır Zelenskıı ulttyq energetıkalyq retteýshige Reseı men Belarýssııadan elektr energııasyn ımporttaýdy shekteýge quqyq beretin zańǵa qol qoıdy. Bul týraly beısenbide Joǵarǵy Radanyń baspasóz qyzmeti habarlady, dep jazady Egemen.kz.
Tórt jyldyq úzilisten keıin 2019 jyldyń kúzinde Ýkraına Reseı Federasııasynan elektr energııasyn ımporttaýdy qaıta bastaǵan edi. 2020 jyldyń sáýirinde Ulttyq energetıkalyq-kommýnaldyq sharýashylyqty retteý komıssııasy pandemııa kezinde Reseı Federasııasy men Belarýssııadan elektr energııasyn ımporttaýdy tejegen.
Al búgin memleket basshysynyń keńsesi Vladımır Zelenskııdiń 2021 jyly 15 sáýirinde Joǵarǵy Rada qabyldaǵan «Ýkraınanyń keıbir zańnamalyq aktilerine transmıssııalyq júıe operatorynyń sertıfıkattaýyna qatysty ózgerister engizý týraly» zańǵa qol qoıǵanyn atap ótti.
Bul zań basqalarmen qatar, Energetıka jáne kommýnaldyq sharýashylyqty memlekettik retteý jónindegi komıssııaǵa osy jyldyń sońyna deıin Reseı men Belarýssııadan elektr energııasyn ımporttaýdy toqtatýǵa múmkindik beredi.