Oblystyq polısııa departamenti baspasóz qyzmetiniń málimetine súıensek, 46 jastaǵy er adam ishkilikke salynyp, anasyna qol kótergen, dep habarlaıdy Egemen.kz.
«Egde jastaǵy áıelden «102» operatoryna balasynyń mas kúıinde otbasylyq janjal shyǵarǵany týraly habar tústi. Ishkilikke salynǵan er adam úıiniń terezesin syndyryp, anasyn uryp-soqqan. Ishimdik ishýin toqtatpaǵan balasy anasymen birneshe ret janjaldasqan. Anasyna psıhologııalyq jáne fızıkalyq jábir kórsetken», dep málimdedi departamenttiń baspasóz qyzmeti.
Ýchaskelik polısııa ınspektory anasyn urǵan azamatqa qatysty QR Ákimshilik quqyqbuzýshylyq týraly Kodeksiniń 73-baby, 2-bóligimen (Uryp soǵý) ákimshilik hattama toltyrdy. Al, mamandandyrylǵan qalalyq sot 46 jastaǵy azamatty 10 táýlikke qamaýǵa alý týraly sheshim shyǵardy.