Pavlodarda qoǵamdyq kólik joldan shyǵyp ketip, jarnama ilingen baǵanǵa soǵylǵan, dep habarlaıdy Egemen.kz Pavlodarnews.kz saıtyna silteme jasap.
Oblystyq densaýlyq saqtaý basqarmasynyń málimeti boıynsha, saǵat 07:40-ta «103» jelisine kýágerlerden S.Toraıǵyrov-Ak.Bekturov kósheleriniń qıylysynda, mýzykalyq kolledjge qarsy aýmaqta avtobýstyń baǵanǵa soǵylǵany týraly habarlama túsken.
– Oqıǵa ornyna jedeldiliktiń birinshi sanaty boıynsha úsh jedel járdem brıgadasy shyǵyp, úsh mınýtta jetti. Segiz adam zardap shekken. Olardyń ekeýi – alty jáne on bes jastaǵy balalar. Brıgada jol apaty bolǵan jerde jumys istep jatyr, – dep jazylǵan habarlamada.