Elbasy Nursultan Nazarbaevtyń ıadrolyq qarýsyz álem qurý jónindegi bastamalary halyqaralyq qoǵamdastyq tarapynan oń baǵasyn alyp otyr
12-14 sáýir aralyǵynda Vashıngtonda Iаdrolyq qaýipsizdik jónindegi jahandyq sammıt bolyp ótti. Oǵan 47 jetekshi memlekettiń lıderleri qatysyp, qarýsyzdaný, atom energııasyn beıbit maqsatqa ǵana paıdalaný jáne ıadrolyq materıaldardy kontrabandalyq jolmen satý máselelerine qatysty ózderiniń oılaryn ortaǵa saldy. Iаdrolyq tehnologııalarǵa tıimdi baqylaýdy qalaı ornatýǵa bolady jáne táýelsiz elderdiń beıbit atomdy damytý quqyna kepildikti qalaı jasaǵan jón? Iаdrolyq saladaǵy jasandy emes, naqtyly teńdikti qalaı ornatpaq kerek? Qazaqstan Prezıdenti N.Nazarbaev óziniń reseılik “Izvestııa” gazetindegi maqalasynda osy máselelerdi sheshýdiń jańa joldaryn atap bergen edi.
Jaqynda adamzat ekinshi dúnıejúzilik soǵystyń aıaqtalǵan mereıtoıyn atap ótedi. Álemde áli de osy soǵysqa qatysqan mıllıondaǵan adam bar. Biraq tarıh pen osy zamannyń aıyrmashylyǵy sol, AQSh-tyń burynǵy vıse-prezıdenti Ýolter Mondeıl aıtqandaı, “úshinshi dúnıejúzilik soǵysqa qatysýshylar qalmaıdy”. Qazirgi zamannyń jyldam ózgeretin jańalyqtary qaýipsizdiktiń eski tetikterine jańasha qaraýdy qajet etedi. Sonyń ishinde, árıne, ıadrolyq qaýipsizdik birinshi orynda.
Biz tómende Elbasy N.Nazarbaevtyń atalmysh maqalasyndaǵy jáne Iаdrolyq qarýsyzdanýǵa baılanysty ótken jahandyq sammıtte sóılegen sózindegi negizgi máselelerge toqtalǵandy jón kórip otyrmyz.