Fılıppın prezıdenti Rodrıgo Dýterte el turǵyndaryna koronavırýsqa qarsy vaksınany tańdaýǵa tyıym saldy, dep habarlaıdy Egemen.kz.
«Barlyq vaksına tıimdi. Eshqandaı kemsitý bolmaıdy. Vaksınany tańdaı almaısyz, sebebi bári birdeı», dedi Fılıppın prezıdenti.
El prezıdentiniń aıtýynsha, halyqta vaksınany tańdaý quqyǵy joq, eshkim naqty qandaı vaksına saldyrǵysy keletinin aıtpaýy kerek.
Fılıppın halqynyń kóbi Pfizer jáne Moderna vaksınasyn kútip júr. Prezıdent úkimet eshkimdi áleýmettik statýsyna baılanysty bólmeıtinin, bul máselede bárin birdeı qaraıtynyn aıtty.
Aıta keteıik, Fılıppınde Moderna jáne reseılik «Spýtnık V», sondaı-aq Pfizer, AstraZeneca, qytaılyq Sinovac, úndistandyq Bharat Biotech jáne Janssen vaksınasyn qoldanýǵa ruqsat berilgen.