Joǵary eýrazııalyq ekonomıkalyq keńes otyrysynda Memleket basshysy Qasym-jomart Toqaev «Batys Eýropa – Batys Qytaı» búkil Eýrazııalyq ekonomıkalyq odaq aýmaǵynda rekonstrýksııasyn aıaqtaý qajettigin aıtty, dep habarlaıdy Egemen.kz.
«Naýryz aıynda Sýes kanalynda bolǵan oqıǵa saýda joldarynyń osaldyǵyn jáne álemdik saýdaǵa qalaı áser etetinin kórsetti. Atalǵan jaıt qurlyqtaǵy marshrýttardyń mańyzdylyǵyn dáleldedi. Eýrazııa elderi ózderiniń transporttyq áleýetin tolyǵymen iske asyrýy kerek. Transshekaralyq ýchaskeler men transporttyq kúre joldardy údemeli jańǵyrtýdy qaıtalap usynamyn. Atap aıtqanda, «Batys Eýropa – Batys Qytaı» búkil Eýrazııalyq ekonomıkalyq odaq aýmaǵynda rekonstrýksııasyn aıaqtaý qajet», dedi Prezıdent.