20 mamyrda Shymkent qalasynyń kóshelerinde qyzmet atqarý barysynda Ulttyq ulan 6506 áskerı bólimniń jaýyngerlerine balalar jaqyndap, ótinish bildirdi. Olar oıyn alańynda eki belgisiz azamat mas kúıinde bir birin balaǵattap jatqany týraly aıtyp berdi, dep habarlaıdy Egemen.kz
О́tinish boıynsha áskerı jasaq bastyǵy qatardaǵy Dinmuhammed Ábdirahym jáne patrýlshiler qatardaǵy Batyrhan Sárkeev pen Jandos Musa tez arada aıtqan jerge bardy.
– Bizge eki bala kelip, oıyn alańynda eki mas azamat ózderiniń áreketterimen olarǵa oınaýǵa kedergi jasap jatqanyn aıtty. Kelgen bette biz eki er adamdy baıqadyq. Olar balalardyń kózinshe balaǵat sózder aıtyp, bir birine shúılikti. Urysty toqtatý týraly usynymyzǵa kerisinshe qarsy shyǵyp, tipti, bireýi áskerı jasaqty balaǵattap, qol ala jóneldi. Bizge kúsh qoldanýǵa týra kelip, jekpe-jek urysy arqyly buzaqylardy sabasyna keltirdik, – deıdi Dinmuhammed Ábdirahym.
Qolǵa túsken azamattar mán-jaıdy anyqtaý úshin Ál-Farabı aýdandyq polısııa basqarmasyna jetkizildi.