Búgin caǵat 21.00-de ortalyq týrdyń basty oıyny «Astana» - «Qaırat» klýbtary arasynda kezdesý ótedi, dep habarlaıdy Egemen.kz «Astana» FK baspasóz qyzmetine silteme jasap.
«Nur-Sultan qalasy bas sanıtarlyq dárigeriniń sheshimimen Qazaqstan chempıonaty oıynyna stadıon syıymdylyǵy 20% aspaıtyn kórermenderdiń bolýyna ruqsat etildi. Stadıonǵa ASHYQ qosymshasy arqyly kire alasyz. Ony stadıonǵa kelmes buryn, telefonyńyzǵa aldyn ala júktep alý qajet. Avtorızasııadan ótip alsańyz, Sizge tek QR kodty skanerleý ǵana qalady», delingen habarlamada.