Búginde Jambyl oblysynda túlekterdiń týǵan jerge tý tigip, aýyldyqtarǵa kómektesý dástúri qalyptasqan. Bul bastamany ár jylǵy túlekter de qoldap, aýyldy kórkeıtýge kúsh salýda, dep habarlaıdy Egemen.kz.
Bıyl mektep bitirgenderine 20 jyl tolyp otyrǵan Baızaq aýdany, Kópterek aýyldyq okrýgine qarasty Keńes aýylynyń 1984 jyly týǵan azamattary da atalǵan bastamany ilip əketip, aýyldaǵy Qaırat Kalenovtiń otbasyna úı salyp berdi.
Keńestik turǵyndardyń qýanyshyna aýdan ákiminiń orynbasary Dáýir Dáýletov ortaqtasyp, baspanaly bolǵan otbasyn quttyqtady. Ol óz sózinde óńirde bastaý alǵan «Asarlatyp úı salý» jobasynyń máni men mazmunyna toqtaldy. Mundaı ıgi istiń el ishinde qaıta jandanyp, baspanaǵa muqtaj kisilerge, jetim men jesirge, az qamtylǵan jáne turmys jaǵdaıy tómen otbasylarǵa sharapaty tıe bastaǵany – eldigimizdiń belgisi ekenin atap ótti. Sondaı-aq, aýyl azamattarynyń bul isine Dáýir Dáýletov aýdan basshylyǵy atynan rızashylyǵyn jetkizip, aýdan ákiminiń Alǵys hatyn tapsyrdy. Keńes aýylynyń jastary osyndaı qaıyrymy mol, ıgi isti qatarynan ekinshi jyl jalǵastyryp keledi.