QR sıfrlyq damý, ınnovasııalar jáne aeroǵarysh ónerkásibi mınıstriniń buıryǵymen Arman Shoqanuly Kenjeǵalıev QR sıfrlyq damý, ınnovasııalar jáne aeroǵarysh ónerkásibi mınıstrligi apparatynyń basshysy laýazymyna taǵaıyndalady. Bul týraly QR Premer-Mınıstriniń Baspasóz qyzmeti habarlaıdy.
Arman Kenjeǵalıev 1981 jyly Soltústik Qazaqstan oblysynda dúnıege kelgen.
Qazaq gýmanıtarlyq-zań ýnıversıtetin, «Qaınar» ýnıversıtetin, Sheffıld ýnıversıtetin bitirgen.
Mamandyǵy boıynsha biliktiligi — ekonomıst, zańger, memlekettik basqarý jáne memlekettik saıasat salasyndaǵy magıstr.
Eńbek jolyn 1999 jyly kommersııalyq uıymda zańger bolyp bastaǵan. 2002-2003 jj. «Qazposhta» AQ «Astana pochtamty» AF quqyqtyq jumys jónindegi bas mamany bolyp jumys istedi. 2003-2012 jj. QR Ádilet mınıstrliginiń qurylymynda túrli laýazymdar atqardy.
2012-2017 jyldary — QR Premer-Mınıstri Keńsesiniń Indýstrııalyq-ınnovasııalyq damý bóliminiń bas sarapshysy, konsýltanty.
2017-2018 jyldary — QR Ádilet mınıstrliginiń Tirkeý qyzmeti jáne zań qyzmetterin uıymdastyrý departamenti dırektorynyń orynbasary.
2018-2020 jyldary — QR Ádilet mınıstrliginiń Zańǵa táýeldi aktiler departamenti dırektorynyń orynbasary, dırektory.
2020 jyldyń tamyz aıynan bastap qazirgi ýaqytqa deıin QR Ádilet mınıstrliginiń Zańnama departamentiniń dırektory qyzmetin atqardy.