Qazaqstan Saýd Arabııasynyń qajylyqqa múddeli quzyrly mekemelerine keletin jamaǵat úshin talaptardy básendetý jaıynda ótinish bildirdi, dep habarlaıdy Egemen.kz.
Bul týraly Qazaqstan musylmandary dinı basqarmasy qajylyq bóliminiń basshysy Jándilla Bekjigitov málimdedi. Onyń aıtýynsha, bıyl 60 myń adam ǵana qajylyq paryzyn oryndaı alady.
«Saýd Arabııasynyń densaýlyq saqtaý mınıstrligi 2021 jyly qajylyqqa arnaıy pandemııalyq jaǵdaıdaǵy talaptaryn jarııa etti. Onda Saýd Arabııa densaýlyq saqtaý mınıstrligi bekitken atalmysh 4 vaksınaǵa ruqsat etilgen: Faızer, Astra-Zeneka, Djonson-Djonson, Moderna. Álbette bul vaksınalar bizdiń Qazaqstanda joq», dedi basqarma ókili.