ZAŃDYLYQTY SAQTAÝ TURǴYSYNDAǴY MINDETTER

Prezıdent Ákimshiligi Basshy­sy­nyń orynbasary Talǵat Do­naqov­tyń tóraǵalyq etýimen keńes ótkizilip, onyń jumysyna Bas prokýror Q.Mámı, Joǵarǵy Sot Tóraǵasy M. Álimbekov jáne quqyq qorǵaý organdarynyń birin­shi basshylary qatysty.

Keńeste zańdylyqty qamtama­syz etý, qylmysqa jáne sybaılas jemqorlyqqa qarsy kúres máse­leleri qaraldy, sondaı-aq quqyq qorǵaý organdarynyń 2010 jylǵy I-toqsandaǵy jumysynyń qory­tyn­dysy jasaldy. T.Donaqov óziniń sózinde mem­le­kettik basqarý ınstıtýttary júıesinde quqyq qorǵaý organ­darynyń mańyzdy ról oınaıty­nyn, sebebi azamattardyń áleý­mettik ál-aýqaty eleýli mólsherde zańdylyq pen quqyq tártibiniń deń­geıine baılanysty ekenin atap kórsetti. Osyǵan baılanysty Prezıdent N.Á. Nazarbaevtyń halyqqa Joldaýynda aıtylǵan tapsyrmalarynyń múltiksiz oryn­dalýy qajettiligine nazar aýda­ryldy. Azamattardyń quqyqtaryn qorǵaý jáne zańdylyqty saqtaý basymdyǵy quqyq qorǵaý organ­dary jumysynyń negizgi prın­sıpi bolýy qajet. Keńeste Ishki ister mı­nıstri­niń, Ekonomıkalyq qyl­mys­qa jáne sybaılas jemqorlyqqa qarsy kúres agenttigi tóraǵasynyń, Kedendik baqylaý jáne Qylmys­tyq-atqarý júıesi komıtetteri tóraǵalarynyń baıandamalary tyńdaldy. Máselelerdi talqylaý nátıje­leri boıynsha zańdylyqty jáne quqyq tártibin nyǵaıtý, onyń ishinde kóshelerde jáne ózge qo­ǵam­dyq oryndarda tártip ornatý, kóshi-qon baqylaýyn kúsheıtý, uıym­dasqan jáne transulttyq uıym­dasqan qylmysqa qarsy kú­res, qarý-jaraqtyń aınalymyn baqy­laý, keden jáne ekonomı­kalyq qyzmet salasynda qylmys­tardyń aldyn alý sharalaryn qoldaný jáne olardy ýaqtyly ashý boıynsha mindetter belgilendi. “Egemen-aqparat”.