Bıylǵy jyldyń 27-28 mamyrynda Sankt-Peterbýrg qalasynda Ekologııa, geologııa jáne tabıǵı resýrstar mınıstri IX Neva halyqaralyq ekologııalyq kongresiniń jumysyna qatysty, dep habarlaıdy Egemen.kz.
Kongress sheńberinde sý resýrstaryn basqarý, tuıyq sıkl ekonomıkasy, klımattyq saıasat, ekologııalyq qaýipsizdik jáne «jasyl energetıka» máselelerin talqylaý maqsatynda dóńgelek ústelder ótkizildi.
Kongress jyl saıyn ótedi jáne memlekettik organdardyń, isker toptardyń, bilim berý jáne ǵylymı-zertteý mekemeleriniń ókilderi úshin pikirtalas alańy bolyp tabylady.
M.Myrzaǵalıev «Ekologııa jáne qorshaǵan ortany qorǵaý salasyndaǵy ulttyq strategııalar men jobalar» taqyrybyna arnalǵan dóńgelek ústelge qatysyp, onyń barysynda Qazaqstanda júrgizilgen ekologııalyq zańnama reformasy týraly aıtyp ótti.
Sonymen qatar, M.Myrzaǵalıev Kongrestiń joǵarǵy deńgeıdegi plenarlyq otyrysyna qatysty.
О́z baıandamasynda Mınıstr klımattyq saıasatty jaqsartý, jerdiń qurǵaýy men tozýynyń aldyn alý boıynsha qabyldanyp jatqan sharalar, sondaı-aq, Aral óńiri men Kaspıı teńiziniń ekologııalyq máselelerin keshendi sheshý týraly, bıoalýantúrlilikti saqtaý jáne ormandardy kóbeıtý týraly máselelerin atap ótti.
Sondaı-aq, Neva hlyqaralyq ekologııalyq kongresine oraı tal otyrǵyzýǵa arnalǵan ekologııalyq naýqan uıymdastyryldy.
Kongress aıasynda M. Myrzaǵalıev RF Tabıǵı resýrstar jáne ekologııa mınıstri A. Kozlovpen, Reseı Federasııasy Prezıdentiniń Keńesshisi, Reseı Federasııasy Prezıdentiniń klımat máseleleri jónindegi arnaıy ókili R. Edelgerıevpen, Reseı Federasııasy sý resýrstary Federaldy Agenttiginiń basshysy D. Kırıllovpen jáne Belarýs Respýblıkasynyń Tabıǵı resýrstar jáne qorshaǵan ortany qorǵaý mınıstri A. Hýdykpen birqatar ekijaqty kezdesýler ótkizdi.