Ishki ister mınıstrligi avtobýs qozǵalysyna arnalǵan jolaqtardy basqa kólikterdiń paıdalanýyn retteıtin zańnamalyq túzetýler engizýdi usyndy, dep habarlaıdy Egemen.kz.
«Qazirgi ýaqytta múddeli memlekettik organdar qalalarda arnaıy bólingen avtobýs jolaqtaryn avtomobılderdiń qarbalas saǵattardan tys kezde jáne demalys kúnderi paıdalaný múmkindigin zerdeleı otyryp avtomobıl aǵyndaryn uıymdastyrý máselesin pysyqtap jatyr. Ishki ister mınıstrligi jol qaýipsizdigin qamtamasyz etetin ýákiletti organ retinde jol qozǵalysy erejelerine yqtımal túzetýlerdi aldyn ala daıyndady», dedi Ishki ister mınıstrdiń keńesshisi.
Mınıstrlik ókili túzetýlerdiń jobasy «Ashyq NQA» aqparattyq portalyna jarılanǵan eske saldy.
«Eldi mekenderde jol qozǵalysyn uıymdastyrýǵa jáne kóshe-jol jelisin basqarýǵa zań júzinde jaýapty bolyp tabylatyn jergilikti atqarýshy organdar kóshelerdiń jalpy júktemesin, qozǵalys qarqyndylyǵyn jáne qoǵamdyq kólikke arnalǵan jolaqtardyń ótkizý qabiletin zerttep, tıisti saraptamalar negizinde taldaıdy. Jarııa talqylaý, halyqaralyq tájirıbeni zerdeleý nátıjelerin qosa alǵanda, barlyq jınalǵan materıaldar Indýstrııa jáne ınfraqurylymdyq damý mınıstrligine engiziledi. Zańnamaǵa tıisti túzetýler engizýdiń oryndylyǵyn memlekettik organdar jınalǵan materıaldardy qorytýǵa jáne taldaýǵa qaraı, jurtshylyqtyń pikiri negizinde qaraıtyn bolady», dedi Nurdildá Oraz.