«Sary» aımaqqa oralǵan Atyraýda koronavırýs ınfeksııasyn juqtyrǵan 29 naýqas jansaqtaý bóliminde jatyr. Onyń jeteýi ókpeni jasandy jeldetý apparatyna qosylǵan, dep habarlaıdy Egemen.kz.
Oblystyq densaýlyq saqtaý basqarmasy baspasóz qyzmetiniń aqparatyna súıensek, byltyrǵy naýryzdan beri Atyraý oblysynda 24 135 adam koronavırýs ınfeksııasyna shaldyǵypty. Onyń ishinde 22 891 naýqas saýyǵyp shyqqan. Bul qaýipti vırýsty juqtyrýshylardyń 94,8%-yn qurap otyr.
«О́ńirde 2 098 tósek-orny bar ınfeksııalyq stasıonarlarda 460 adam em alyp jatyr. Infeksııalyq stasıonarlardaǵy júkteme kórsetkishi – 21,9%. Al, 81 oryndyq jansaqtaý bóliminde 29 naýqas oqshaýlandy. Mundaǵy júkteme 35,8%-dy quraıdy» dep habarlady basqarmanyń baspasóz qyzmeti.