Adam ómirin qutqarýdaǵy ekstrımaldy jaǵdaıda kórsetken erjúrektiligi men batyldyǵy úshin QR Ishki ister mınıstriniń buıryǵymen aǵa leıtenant Dosken Esjanov «Quqyq tártibin qamtamasyz etýge qosqan úlesi úshin» medalimen marapattaldy, dep habarlaıdy Egemen.kz.
Búgin ofıserge marapatty tapsyrǵan Ulttyq ulan Bas qolbasshysynyń orynbasary general-maıor Álibek Serálıev áskerı oqý ornynyń kýrsanttary osyndaı erlik úlgisinde tárbıelený kerektigin alǵa tartty.
Eske sala keteıik, 24 mamyr kúni saǵat 13:00-de Ulttyq ulan Áskerı ınstıtýtynyń áskerı qyzmetshisi aǵa leıtenant Dosken Esjanov qyzmetke attanar aldynda Jambyl kóshesindegi óz úıiniń kórshi kireberisinen qoıý tútindi baıqaıdy. Jaǵdaıdy baǵamdaǵan ofıser oqıǵa ornyna órt sóndirýshilerdi shaqyrady.
О́rt turǵyn úıdiń jetinshi qabatyn jalmap, kireberistiń de terezesi órtenip jatqan. О́rt sóndirýshiler kelgenshe ofıser terezedegi órtti sóndirip, turǵyndardy syrtqa shyǵara bastaıdy. Ulandyq áskerı qyzmetshi órt sóndirýshilermen birge segiz adamdy, onyń ishinde eki balany qaýipsiz jerge shyǵarǵan.