Atyraý kóshi-qon zańdylyǵyn buzyp júrgen 9 sheteldik elden shyǵaryldy, dep habarlaıdy Egemen.kz
Oblystyq polısııa departamenti baspasóz qyzmetiniń aqparatyna qaraǵanda, «Mıgrant» jedel is-sharasy kezinde kóshi-qon zańnamasyn buzýdyń 419 deregin anyqtalypty.
«Onyń ishinde 229 sheteldik QR Ákimshilik quqyqbuzýshylyq týraly Kodeksiniń 517-babymen (Sheteldiktiń nemese azamattyǵy joq adamnyń Qazaqstan Respýblıkasynyń halyqtyń kóshi-qony salasyndaǵy zańnamasyn buzýy) ákimshilik jaýapkershilikke tartyldy. Qazaqstan Respýblıkasynyń kóshi-qon zańdylyǵyn buzǵany úshin sot sheshimderimen О́zbekstan Respýblıkasynyń 8, Irlandııa eliniń 1 azamaty Túrkistan oblysyndaǵy «Jibek joly» baqylaý-ótkizý beketi arqyly elden shyǵaryldy. О́zbekstan Respýblıkasynyń 108 eńbek mıgrantyna jumys isteý úshin berilgen ruqsat keri qaıtaryldy», dep habarlady departamenttiń baspasóz qyzmeti.
Sondaı-aq О́zbekstan Respýblıkasynyń 3 azamaty qujatsyz júrgen eken. Kóshi-qon qyzmetkerleriniń kómegimen О́zbekstan Respýblıkasynyń elshiligi arqyly olardyń tólqujaty qalpyna keltirip, el aýmaǵynan shyǵarý týraly sheshim qabyldapty.