Dúnıejúzilik densaýlyq saqtaý uıymynyń resmı ókili Tarık Iаzarevıch álemde alǵash ret qus tumaýy adamǵa juqqanyn málimdedi, dep habarlaıdy Egemen.kz.
«DDSU tumaýdy epıdemııalyq qadaǵalaý jáne aldyn alý sharalary ǵalamdyq júıesi (GISRS) arqyly vırýstardy, onyń ishinde pandemııaǵa aınalý yqtımaldyǵy bar vırýstardy úzdiksiz baqylaıdy jáne qaýip-qaterge baǵa beredi. DDDU Qytaıdyń ulttyq úkimetimen jáne GISRS seriktesterimen birlese jaǵdaıdy baqylap otyr», deıdi DDSU ókili.
Iаzarevıchtiń aıtýynsha, bul tómen patogendi shtamm tiri qus bazarynda 2002 jyly tabylǵan, biraq adamǵa juǵý jaǵdaıy tirkelmegen edi. Aýrý juqtyrǵan Chjenszıan qalasynyń 41 jastaǵy turǵyny 28 sáýirde tumaý belgilerimen aýrýhanaǵa túsken.
Keıinirek qus tumaýy vırýsynyń H10N3 shtammy anyqtaldy. Qazirgi kezde naýqastyń jaǵdaıy birqalypty. Dárigerler onyń kimmen baılanysta bolǵanyn anyqtady. Ázirge olarda tumaý belgileri baıqalǵan joq.