Qazaqstandyqtar arasynda «e-Salyq Azamat» mobıldi qosymshasynda kólik salyǵy boıynsha derekterdi túzetý – joǵary suranysqa ıe qyzmetke aınaldy. Sondaı-aq azamattar belsendi túrde deklarasııa (SEN 250) taprsyryp, salyq ámııanyn toltyrýda, dep habarlaıdy Egemen.kz.
Qazaqstan halqy «e-Salyq Azamat» mobıldi qosymshasyn jarty mıllıonnan astam ret júktep aldy. 13 myńǵa jýyq jeke tulǵa salyq salý obektileri týraly derekterdi túzetý qyzmetin paıdalandy.
Jalpyǵa birdeı deklarasııalaý sheńberinde deklarasııa tapsyrý qyzmeti belsendi qoldanyla bastady. Osy proseske birinshi kezegine qatysatyn 484 myń azamattyń 271 095 adamy deklarasııasyn mobıldi qosymsha arqyly tapsyrdy.
Salyq ámııany qyzmetin 49 960 azamat paıdalandy. Olar óz shottaryn jalpy somasy 92 mıllıonnan astam teńgemen tolyqtyrdy.
11511 adam 472,5 mln.teńge shamasyndaǵy artyq tólemdi salyqtyń basqa túrlerin tóleýge paıdalandy nemese aqshany qaıtaryp aldy.
Esterińizge sala keteıik, «e-Salyq Azamat» mobıldi qosymshasynyń paıdalanýshylary avtorızasııadan keıin salyq bereshegin, jumys berýshiniń qyzmetkerge salyq tóleýin kóre alady jáne jıi qoıylatyn suraqtarǵa jaýap taba alady.