EEK Ishki naryqtar, aqparattandyrý, aqparattyq jáne kommýnıkasııalyq tehnologııalar mınıstri Gegam Vardanıan búgin Mınıskide ótip jatqan «Aımaqtyq sıfrlandyrý jobalarynan Eýrazııanyń biryńǵaı sıfrlyq naryǵyna deıin» plenarlyq otyrysynda Eýrazııalyq ekonomıkalyq odaqtaǵy transshekaralyq derekter aınalymy týraly halyqaralyq shart Odaqtyń sıfrlyq naryǵynyń damýyndaǵy irgeli element bola alatynyn aıtty, dep jazady Egemen.kz EEK taratqan aqparatqa silteme jasap.
Is-shara Mınskidegi «EADF-2021» III Eýrazııalyq sıfrlyq forýmy aıasynda «TIBO» Halyqaralyq aqparattyq-kommýnıkasııalyq tehnologııalar forýmy alańynda ótti.
EEK mınıstri atap ótkendeı, 2025 Strategııasynyń mańyzdy baǵyttarynyń biri – Odaqtyń sıfrlyq keńistigin, sıfrlyq ınfraqurylymdar men ekojúıelerdi qalyptastyrý.
«Biz Eýrazııalyq keńistiktegi barlyq oıynshylarǵa birdeı jaǵdaı týǵyzatyn naqty erejeler ázirleýimiz kerek. Málimetterdi sanatqa bólý kerek», dedi Gegam Vardanıan.
Onyń aıtýynsha, bul baǵytta eki jumys vektory bar. Bul transshekaralyq derekter almasý úshin túsinikti jáne ashyq negiz qura otyryp, eldermen jumys jasaýda. Ekinshi vektor – bul Odaq elderiniń jáne Eýrazııalyq keńistikte jumys isteıtin úshinshi elderdiń oıynshylaryna jaǵdaılardy teńestirý.
Kelisimdi qabyldaý Odaqtaǵy málimetter aınalymyna qatysýshylardyń quqyqtaryn qorǵaýdyń jalpy tetikterin qurýǵa múmkindik beredi, dep sanaıdy Gegam Vardanıan. Bıznes júrgizý úshin barlyǵyna birdeı jaǵdaı jasaý, ulttyq qaýipsizdik pen ulttyq bıznestiń jáne azamattardyń múddelerin qorǵaı otyryp, memleketterdiń múddeler tepe-teńdigin qalpyna keltirýge múmkindik beretin quraldardy ázirleý mańyzdy.
Sonymen birge Odaq memleketteriniń úshinshi tulǵalarmen jasasqan kelisimderi málimetter aınalymyn, sıfrlyq platformalardyń qyzmetin, múmkin keıbir qyzmetterdi retteýdiń jalpy prınsıpteri deńgeıinde biryńǵaı tártip erejelerin ornatýǵa múmkindik beredi. Mundaı erejeler Odaq kompanııalarynyń basqa elderdiń sıfrlyq keńistigine kirý shyǵyndaryn azaıtýǵa kómektesedi, bul óz kezeginde EAEO memleketteriniń ınnovasııalyq ónimderiniń naryqtaryn keńeıtýge ákeledi.
Belarýs Respýblıkasynyń Baılanys jáne aqparat mınıstri Konstantın Shýlgan sıfrlyq tehnologııalardy adam ómiriniń barlyq salalaryna engizý prosesi qazirgi zamanǵy jaǵdaıdaǵy basty baǵyttardyń biri jáne progrestiń kórsetkishi ekenin atap ótti.
«Sıfrlyq tehnologııalar álemdik ekonomıka qurylymyn qarqyndy túrde ózgertedi. Bul bir jaǵynan, qazirgi kezdegi tehnologııalardy, sondaı-aq jańa qyzmetterdi qurý prınsıpterin ózgertýdi qajet etedi. Ekinshi jaǵynan, odan ári damytýdyń múmkindikteri men perspektıvalary keńeıip keledi», dedi Konstantın Shýlgan.
Onyń aıtýynsha, qazirgi kezde ınnovasııalyq tehnologııalardy qarqyndy engizý arqyly jańa sıfrlyq shyndyqqa kóshý úshin zamanaýı ǵylymı áleýettiń ınfraqurylymdyq damý múmkindikterin tıimdi paıdalaný mindeti tur.
«Maqsat – sıfrlandyrý, ol jeke salaǵa aınala otyryp, ekonomıkanyń naqty sektoryn jańa deńgeıge shyǵarýy kerek», dep atap ótti Konstantın Shýlgan.
Paneldik sessııaǵa О́zbekstan Respýblıkasynyń aqparattyq tehnologııalar jáne kommýnıkasııalar mınıstri Shýhrat Sadıkov, Qazaqstan Respýblıkasynyń sıfrlyq damý, ınnovasııa jáne aeroǵarysh ónerkásibi vıse-mınıstri Ashat Orazbek, Qazaqstan Respýblıkasy memlekettik organdarynyń ókilderi qatysty.
Sessııaǵa qatysýshylar sıfrlandyrý, ekonomıkany sıfrlyq túrlendirý, EAEO sheńberinde sıfrlyq bastamalardy iske asyrýǵa qatysty máselelerdi qarastyrdy, sondaı-aq 2025 jylǵa deıingi Eýrazııalyq ekonomıkalyq ıntegrasııany damytý strategııasyn talqylady.