Aqtaý qalasyndaǵy Nazarbaev Zııatkerlik mektebiniń avtorlyq jobasy – Caspian Startup – 2021 halyqaralyq startap-jobalar baıqaýy óz máresine jetti. Úshinshi ret ótkizilgen is-sharanyń taqyryby retinde jańaratyn energııa kózderi tańdaldy – uıymdastyrýshylar jastardy da, kásipkerlerdi de balamaly energııa kózderimen tanystyrý maqsatyn ustandy.
Sarapshylar men kásipkerlerden jınalǵan konkýrstyq komıssııanyń nazaryna Qazaqstan, Ázerbaıjan jáne Túrikmenstannyń jas zertteýshileri qatysqan 89 joba usynyldy. Baıqaýdyń aqtyq synyna 15 jumys joldama aldy.
– Jyldan-jylǵa dástúrli baıqaý jergilikti jáne halyqaralyq deńgeıde suranysqa ıe ekenin kórsetip keledi. Bıyl bizge Ázerbaıjan oqýshylarynan 2 joba jáne Túrikmenstannan 22 jumys kelip tústi, – deıdi Aqtaýda- ǵy Zııatkerlik mektep dırektory Ásel Beısembınova.
Caspian Startup qatysýshylarynyń kópshiligi – NIS oqýshylary. Fınalǵa qatysýshylar qatarynda Aqtaý, Aqtóbe, Taraz, Shymkent, Qaraǵandy jáne Kókshetaý qalalaryndaǵy Zııat- kerlik mektepterdiń startapshylary bar. Sondaı-aq respýblıkanyń jalpy bilim beretin mektepteriniń oqýshylary da óz jobalaryn usyndy.
Jeńimpazdar men júldegerlerdi noýtbýk, planshet, smartfon sııaqty baǵaly syılyqtar kútti. Qatysýshylardyń startaptaryn «jasyl» ekonomıkanyń trendtik salalarynda jastardyń jobalaryn qurýǵa jáne iske asyrýǵa múddeli Jusan Bank qoldady.
Túrikmenstannan kelgen oqýshylardyń ıdeıalary úzdik dep tanyldy. Baıqaýdyń qorytyndysy boıynsha I oryn alǵan Ashǵabad startapshysy Merdan Aqyjanov jahandyq jylyný máselesin sheshýge kómektesetin maqta sabaǵynan bıootyn óndirýdi usyndy. Jeńimpazdyń esepteýi boıynsha jobanyń jyl saıynǵy taza paıdasy 130 mıllıon dollardan asýy múmkin. Ekinshi oryn Magomed Maksýdov pen Shanýr Mazyevtiń jobasyna buıyrdy, olar Wi-Fi sıgnalyn bir jarym shaqyrym qashyqtyqta ustaýǵa múmkindik beretin radıo tolqyndaryn qurý ıdeıasyn usyndy. Shymkenttegi NIS oqýshysy Mýhıt Berdıkýl úshinshi oryndy enshilegen Clean City jobasyn ázirledi.
Qazaqstannyń jetekshi joǵary oqý oryndary úzdik startapshylarǵa bilim granttaryn usyndy. Almatydaǵy Qazaqstan-Brıtan tehnıkalyq ýnıversıteti Aqtóbedegi Zııatkerlik mektepten Andreı Tımonındi, NIS Kókshetaýdan Dıasáli Kárimdi, sondaı-aq Túrikmenstannan kelgen Caspian Startup – 2021 jeńimpazy Merdan Aqyjanovty tegin oqýǵa shaqyrdy. Yessenov University usynǵan bilim granty Aqtaý qalasyndaǵy NIS-ten Nurtas Basheevke buıyrdy, al Safı О́tebaev atyndaǵy Atyraý Munaı jáne gaz ýnıversıtetine segiz jobanyń avtorlary – Zııatkerlik mektep oqýshylary Danıal Sagımbaev, Tımýr Sapaev, Ásel Oshan, Erlan Turaly, Mýhıt Berdıkýl jáne Janybek Bozbaev, sondaı-aq Aqtaý qalasyndaǵy №10 JOBBM-nen Aref Adaı men Raıymbek Orynbaı, Ál-Farabı atyndaǵy Kókshetaý IT-lıseıinen Asylhan Qoshanov oqýǵa shaqyrtý aldy. Aqtaýdaǵy Zııatkerlik mektepten Erlan Turalynyń Hydropanel taqyrybyndaǵy jobasyn ECO Waste Aqtau mamandary baǵalap, oqýshyǵa planshet syıǵa tartty. Sonymen qatar baıqaý fınalısteri halyqaralyq IT-startaptar ortalyǵy Astana hub tehnoparkiniń mamandary qatysatyn úsh kúndik trenıngke qatystyrylmaqshy.
Caspian Startup jobasy jańalyqqa jany qushtar jastardyń qııalyn ushtap, talabyn qanattandyrýǵa serpin bergeni anyq.
Mańǵystaý oblysy