Talas aýdany, Tamdy aýylynyń 67 jastaǵy turǵyny Jaqsylyq Mamyrbekuly jurtty tańdandyrýda. Ol áli kúnge deıin júgirýden jarystarǵa qatysyp, jeńimpaz atanyp júr. Bir qyzyǵy – ol jeńil atletıkamen zeınet jasyna shyqqannan soń ǵana aınalysa bastapty. Sodan beri sportty janyna serik etken aýyldaǵy jelaıaq jastarǵa da úlgi kórsetip keledi.
Jaqsylyq Mamyrbekuly az ýaqyttyń ishinde talaı belesti baǵyndyryp úlgergen. Máselen, elimizde ótken «EKSPO-2017» Halyqaralyq kórmesinde jáne Atyraý men Almaty qalalarynda, sondaı-aq, Reseı memleketiniń Sankt-Peterbýrg qalasy men basqa shaharlarda ótken túrli jarystarda úzdikter qatarynan kóringen. Jýyrda ǵana ol Qyrǵyz eliniń Ystyqkól qalasynda ótken Halyqaralyq jarysta taǵy da top jardy.
Ult batyry Jumanazar Satymqul atyndaǵy Halyqaralyq jarysta jeńimpaz atandy. Atalǵan jarysqa álemniń 35 memleketinen 4 myńǵa jýyq jelaıaq qatysyp, baq synaǵan bolatyn. Al elimizdiń atynan tek jerlesimiz ǵana shyqqan. Bul joly Jaqsylyq Mamyrbekuly 42 shaqyrym 195 metr qashyqtyqty 4 saǵatta júgirip, máre syzyǵyn birinshi bolyp kesip ótken. Osylaısha, 67 jastaǵy jelaıaq jeńis tuǵyrynan kórindi.
Jambyl oblysy